Phah sam U bah Ardent ia ka skhim T.8 hajar, ha u kyrtong MDC

Shillong, 10 Nohprah:
U bah Ardent M Basaiawmoit mynta ka sngi u la phah sam ia ka skhim MLA jong u lyngba ka Special Rural Works Programme (SRWP) jong u snem 2014- 15 ha u kyrtong MDC ka seng HSPDP na Nongstoiñ ubah Hubert Riang. Ia ka skhim sha ki 650 tylli ki longing la sam ha ka jingialang kaba la long mynta ka sngi ha Liew long,Pomlakrai. Kitei ki skhim ki kynthup ia ki 100 tylli ki longiing kiba ioh ia ki skim baduk kaba T.35 hajar tyngka ban shna iing, nangta 150 tylli ki long iing kiba ioh ia ka skim ba T.15hajar ban maramot iing bad 400 tylli ki iing kiba ioh mar T.8 hajar tyngka ban pynheh ia ka kam rep kam riang jong ki.
Ia kitei ki skhim u bah Ardent u la aiti ha u kyrtong MDc ka HSPDP na Nongkrem ba un pyllait bad sam paidbah sha kitei ki longing kiba dei ban ioh jingmyntoi. U Bah Hubert ha ka jingkren jong u u la pynpaw ia ka jisngewnguh ia u Bah Ardent uba dei ruh u president ka party uba la ibit ia u ban mih ban aireng bad mih pli ha ka shuki jong u hadien ba u bah Ardent u la risaiñ. Na ka liang u bah Ardent pat u la ong ba kitei ki skhim ba ki paidbah ki ioh kim dei satia kiba la ai sngewbha da u MLA hynrei ki dei ki hok jong ki paidbah hi kiba ki dei ban ioh lyngba ki nongmihkhmat.