Phah pynphai noh ka JAC Hima Sohiong na ka Hima Jirang ia ka shnong Nongwah Mawtamur

Shillong: Ka Joint Action Commitee (JAC) Sohiong ka la dawa na ka hima Jirang ba kan pynphai noh ia ka shnong Nongwah Mawtamur sha ka Hima Sohiong, ha kaba u lyngdoh ka Hima Sohiong u la ia soi bad aiti ia ka sha ha hima Jirang. Ia kane la iathuh da u Chairman ka JAC u Passbhalang Khani haba ia kren bad ki nongpathai khubor mynta ka sngi.

U bah Passbhalang u la iathuh ba hadien ba ka JAC ka la ioh ia ka RTI halor ka jingaiti noh jong u Lyngdoh ka Hima Sohiong u bah Shemphang Thabah ia ka Shnong Nongwah Mawtamur sha ka Hima Jirang.

“Ka la don ka jing ia kynduh lang jong u lyngdoh ka hima Sohiong u Shemphang Thabah bad u Syiem ka hima Jirang u Phangworli Wahlang ha ka 17 tarik Iaiong 2015 ban ia soi bad aiti noh ia ka shnong Nongwah Mawtamur” u la ong.
“Ka shnong Nongwah Mawtamur kaba hap ha ka hima sohiong bad ka jing aiti kaba da long thamula ha kaba ki la ia soi tang ha i kot sada”u la bynrap.
“Na ka liang ka JAC ka la pynpaw ba ki paid nongshong shnong ka hima Sohiong kim don jingtip eiei ia kane ka jingleh une u lyngdoh ha kaba don tang 3 ngut ki ba soi ia kane ka kot ban aiti bad kiei ki long U Bah Shemphang Thabah u ba dei u lyngdoh, u S.Jalong u myntri ka hima sohiong bad u P.S Jana u ba dei u Excutive member ka Hima Sohiong” u la ong.
“Lyngba ka RTI ngi lap ruh ba U Em Incharge Elaka u la pynskhem ia ka jingaiti noh ha ka 17 tarik u Iaiong 2015 lyngba kine ki jingthoh ba u lyngdoh ka hima Sohiong, um shym la kitkhlieh ia ka jingshah ieh bein jingshah ban bein ka shnong Nongwah Mawtamur bad na ka liang u lyngdoh ruh u la kubur ba ka don ka jingsynjor halor ka kam synshar kumta la shim ia ka rai ban aiti noh ia ka Nongwah Mawtamur sha ka hima Jirang” u la ong.
Ki JAC Sohiong ka la buh ia ka jingkylli ba na ka liang ka KHADC da ka ba ong “Haba ka lap ia ka jingbym lah ban pyniaid jong u Lyngdoh ia ka hima balei kim shym la weng noh ia u, hynrei ki aiti pynban ia ka shnong sha kawei ka hima.”
“Dei ha ka 6 tarik u nailar 2015 la soi bad pynskhem ia kane ka shnong sha ka hima Jirang da u Joint Secretary ka KHADC”u la ong.
Na ka liang ka JAC Sohiong ki pynpaw ia ka jingpyrshah jur ia kane ka jingleh bad kyrpad ruh ia ka EC ba thymmai ba kan peit bad pynbeit ia kane ka kam.