|
Shillong: U MLA shimet ka Nongkrem u bah Lambor Malngiang u la ong ba ka daw ka jingmih madan jong u ha kane ka elekshon MDC ka dei namar ba phah ki paidbah. “Ngi shim ia ka rai ban iakhun ka long ba wan ka sur u paidbah bad ngi donkam ban iaid katkum ka sur u paidbah bad dei kane nga shim bynta ha kane ka elekshon MDC”, la ong u bah Lambor haba kren mynta ka sngi hadien ba la thep kyrteng ban iakhun na Nongkrem. U la ong ba kawei pat ka daw kaba pynlog ia u ban mih madan biang, ka long ban pynkhlain ia ka district council ban iada ia ka jaitbynriew, ban pynneh ia ka jaitbynriew, bad ka jingsahkut bun ki bill ka KHADC naduh ka Village Administration Bill bad kiwei. “Ha ka por ba nga long MDC la wanrah ia ka VAB bad ka don ka jingdkoh bad ngi donkam ban pule biang ia ki bill ba sahkut bad lada donkam ngan iakhun ban pyniaid ia ki kam shakhmat ban iakren bad ka sorkar”, u la ong.
|