Phah khubor sngewlem ka HYC, halor ka jingkhlad u bah Kynjaimon Amse

Shillong: Ka Hynniewtrep Youth Council (HYC), East Jaintia hills, ka pynpaw ia ka jingsngewsih kaba khraw ia ka jingkhlad ba kynsan jong u Kynjaimon Amse ha ka jingjia aksiden kaba la jia hynne ka mynstep phyrngap, uba long u Muktiar, Assistant Rangbah Shnong ka Umkiang bad u nongtrei imlang sahlang.

Ka jingtrei jongu kum u riewstad ha ki kam aiñ, kum u nongialam shnong, bad kum u nongtrei paidbah ka la long ka jing kyrkhu bad ka jingiarap shibun sha ka imlang sah lang. Ka jingiaid laitluid jongu, ka jingkitkhlieh, bad ka jingiatylli jongu ha ka imlang sahlang kan ym jahnoh satia ha ka jingkynmaw ka jong ngi.

Ka jingduh ia u Kynjaimon Amse kam dei tang ka jingduh jong ka iing ka sem jong u, hynrei ka dei ka jingduh jong ka imlang sahlang hi baroh kawei. “Ngi na ka liang ka Seng ngi phah ia ka khubor jingsngewlem sha ka iing ka sem jong u. Bad ngi kyrmen skhem ba u Blei un pyntngen iaka iing ka sem kum hakane ka jing jaw ummat kthang kaba ka iing ka sem ka iakynduh. Ka jingduwai jong ngi baroh ka long ba ka mynsiem jongu kan ioh suk ha iing jong u kpa ha bneng”, ong ka kyrwoh na U bah Preios Pale, President, Hynniewtrep Youths’ Council, East jaintia Hills.