Phah kandidet MP ka BJP Pynursla

Shillong: Ka Pynursla Mandal ka la phah ia ka kyrteng jong uwei u Samla naka bynta ban iakhun kum u candidate MP na ka Shillong Seat.
Ka dei ha ka 11tarik Rymphang, 2019 ba ki nongkitkam jong ka BJP Pynursla Mandal ki la phah bad aiti ia ka shithi apply ticket MP na ka Shillong seat, sha U Ma Shibun Lyngdoh, State President BJP Meghalaya lyngba U Bah David Kharsati, Vice President BJP Meghalaya State.
Ha katei ka shithi la tyrwa ia ka kyrteng jong U Bah Plielad Khongtiang u ba ka seng, ka la ibit ba un dei u wei na ki kyrtong u ban lah ban poi sha ka thong jong ka jingjop na ka Shillong Seat General election.
Ia mynta hi ka BJP Pynursla Mandal ha ryngkat ki paidbah nongkyrshan jong ka Ri Khasi Jaintia ki iai ap khmihlynti ba lano ba ka Meghalaya State BJP kan rai ban phah ia ka kyrteng jong U Bah Plielad Khongtiang sha ka High command sha poh Delhi, ong ka kyrwoh na U bah J. Khonglam, Organising Secretary, BJP Pynursla Mandal.