Phah ka High Court, ia ka HPC ban jubab, halor ka jingkynriah na Them metor

Shillong:Ka ïingbishar ba don burom, ka Meghalaya High Court, ha ka sngi thohdieng ka la bthah ia ka Harijaan Panchayat Committee (HPC) ban ai ia ka jubab jong ki, hapoh saw taiew, halor ka jingtyrwa jong ka sorkar ban pynkynriah ia 342tylli ki long ing na Them Mawlong.

Haba pynsngew ia kane ka jingshong bishar, ka kashari, ka la iathuh ba ia ki jingtyrwa, ki jingpynkhreh ban shna ia ki ïng ki sem la phah sha ka HPC, ha ka 30tarik Nailur, lyngba ka shithi.

La buh sngi, ia kawei pat ka jingiashong bishar, ha ka 16tarik Rymphang,2023.
Kum ban shu pynkynmaw, ba na ka liang jong ka sorkar jylla, ha ka 29tarik Nailur, ka la dep ban phah ia ka jingtyrwa bad pynkhreh jong ka sha ka HPC, ha ka jingialang ba la long hapdeng ka HlC bad HPC.Na ka liang ka sorkar, ki la pynsngew ba kin shna da ka ïingmala baheh na bynta ban pynsah ia ki 342tylli ki long ïing ha ophis treikam jong ka shillong Muncipal board.