Phah jingthoh u CEM sha u Lat halor ka kam MDC shu sieh

Shillong, 8’lyngkot: U CEM ka KHADC u bah Pynshngaiñ N Syiem u la phah jingthoh sha u Lat ka jylla mynta ka sngi ha kaba ia dei bad ka kam MDC shu sieh. Ha katei ka jingthoh u la kyntu ia u Lat ba un ym pdiang satia ia ka jingai jingmut ka kynhun ki myntri sorkar ban sieh MDC da ka kong Irene Lyngdoh. Katei ka jingthoh u bah Pynshngaiñ ka la long hadien shisngi ba ka kynhun ki myntri sorkar ki mynjur ia ka kyrteng ka kong Irene ban long kum ka MDC shu sieh. Haba kren halor katei ka phang u CEM ka KHADC u la ong ba ka jingjied ka KHADC ia u MDC shu sieh ka dei katkum ki jingpynbor jong kikyndon ka AD Rules. U la ong ba ka jingmynjur ka kynhun myntri sorkar ka dei kaba la shu leh be-aiñ bad kiba iaid lait ia ki kyndon aiñ.