Phah jingthoh U bah Sanbor sha u myntri iada ri, namar ka Cantonment

Shillong, 27 Lber:
U MLA ka 19th Shillong South konsti twensi u bah Sanbor Shullai u la phah jingthoh sha u myntri iada ri ka sorkar India ban pyntip ia ki jingeh ba ki briew kiba shong basah ha Shillong Cantonment Board (SCB) ki ju ia kynduh na ka por sha ka por. Ha katei ka jingthoh u la kyrpad ia u myntri ba un tuklar kham kloi ban weng noh ia baroh kijingeh ba ki briew katei ka jaka ki ia kynduh.
U la thoh sha u myntri ba ia ka Meghalaya building Bye-Law la pynwan dur ha ka dur jong ka Floor Area Ratio (FAR) katba ka building Bye-Law jong ka Cantonment Board pat la pynwan dur ha ka Floor Space Index ( FSI) bad ym shym la ailad ia ki briew ha kitei ki jaka ban shna ing katkum ka jingdonkam jong ka longing jong ki ban sah. U la ong ba u kwah ba yn pynkylla noh ia ka FSI ha ki jaka ba shong ki riew paidbah (Civil Area) jong ka SCB sha ka FAR bad kane ka donkam bha u la ong namar ba ka Shillong ka dei ka jaka lum bad kam don jaka da kum wei pat ban pynheh.
Ha katei ka jingthoh, u bah Sanbor u la kyrpad ruh ia u myntri ba un tuklar lem ha ka rukom pyntreikamia ki skhim MP ne MLA ha katei ka jaka, u la ong ba um lah ban ai skhim ha kitei ki jaka namar ba ka ia pher ka rukom pyniaid ia ki skhim bad kane u la ong ka la pynduh lut ia ka hok ki paidbah nongshong shnong ba kin ioh jingmyntoi bad u la kyrpad ba un thaw dur da kawei pat ka lynti khnang ba u MLA un lah ban pyntreikam ia ka skhimjong u ha Cantonment.
U la pyntip da kaba suhlang ia ka jingujor ba u la ioh na ka Shillong Cantonment Lease Holder’s Association (SCLHA) lyngba ka shithi jong ki kaba kilathoh ha ka 19 tarik u lber bad kaba ka jingdawa jong ki ka la shu sahkut da ki bun bun snem.