Shillong: U Myntri Rang bah ka Meghalaya, u Conrad K Sangma u la ong ba u la bthah ia ki pulit ban kem beit bad pynshitom katkum ka aiñ lada lap ba don ka jingkhaïi be aiñ ia u Dewiong na kane ka jylla.
Hadien ba la ioh ia ka jingujor ba ka don ka jingkhaïi tuh ia u dewiong ha kine ki sngi kiba la dep, u la khot ia ka jingialang bad ki heh puliit ba kynthup ruh ia u Director General of Police (DGP), u R Chandranathan, ha kaba u la bthah ba ki pulit ki dei ban treishitom ban pynthikna ba kin nym don kum kine ki jingjia kumba la kynnoh.
Haba kren myn hynnin ka sngi, u Conrad u la iathuh ba na ka liang u DGP, u la phah ia ki pulit naduh ki Superintendent of Police (SP) jong ki district ba kin long kiba peitngor bad pynshitom ia kiba leh beain.
Ha kaba ia dei bad ka jingkynnoh ba ka la don ka jinglum pisa beaiñ ha ki weighbridge, u Conrad u la iathuh ba ka sorkar ka dep ban thung ia ka kynhun tohkit bad yn da katei ka kynhun ka la phah ia ka kaiphod ka sorkar kan sa leh ia kaba donkam.
Lah ban kdew ba u myntri rangbah ula tuklar ia kane ka kam hadien ba la mih khubor ha kine ki sngi, ba ki trok kit dewiong beain kila iaid sahuh ha ki surok bah ban leit pynhap sha kiwei ki jylla wat hapdeng ka jingmana ka ïing kashari.
Phi don ban ong eiei?