Phah dorkhas ka KSU, sha u myntri rangbah duh ban dawa ILP

Shillong: Ka Khasi Students’ Union (KSU) ka la phah ia ka dorkhas sha u Myntri Rangbah duh ka Ri India u Narendra Modi ba dawa ban pyntrei kam noh ia ka inner Line Permit (ILP) ha ka jylla Meghalaya bad ban pyllait noh ia ka jylla Meghalaya na ka soskular Indo-Nepal Friendship Treaty.

Ha ka dorkhas la kdew ia ki katto katne ki mat kiba la sahteng ha ka jylla Meghalaya kum ka jingpyndam noh ia ka CAA, ka jingdawa ban pyntrei kam ia ka ILP, ka jingpyllait ia ka Meghalaya na ka soskular jong ka Indo-Nepal Friendship Treaty, ka jingpynbeit ia u pud u sam bad ka Jylla Assam, ka jingpynrung ia ka ktien Khasi ha ka khyrnit kaba phra jong ka riti synshar jong ka Ri India.

Na ka liang ka KSU ka la kdew ruh ha kaba ia dei bad ka Central Agricultural University ha Meghalaya kum ba la kular ha ki snem ki ba kham mynshwa.

Ka seng ka la kyntu ia ka sorkar pdeng ba kan shah shkor ia ki jingud jingnam ki trai ri trai muluk ka jylla, namar la don da ki phew snem ha kaba kiba bun na kine ki mat ki dang sahteng.