PHA LONG U SDIE IA POM

AIS SUJA

U Blei u ong shaphang Ka Israel “Pha long u sdie ia pom”. Hadien ba ia ki Israel la pynsakma sha kylleng ka pyrthei bad ba ki laduh noh ia la ka Temple ha Jersusalem, ha u snem 70 AD, ki Israel ki la mad shisha ia ki jynjar bah haba la ialam mraw ia ki, la pynshitom, la pyniap la lehbein harukom ruh. Kaba kthang tam ka ba ki Israel ki lamad kadei ka jingshah pyniap ha ki kti jong u Adolf Hitler ka Nazi Germany ha ki snem 1939 AD haduh 1945 AD, ha kaba la pyniap dusmon kumba 60, 00,000 ngut ki Israel.
Hynrei ymslem hadien kane, u Blei u la lumpat ia ki Israel (Jew) na kylleng sawdong ka pyrthei ban wan pat sha Ri lajong. Jeremaiah 30:3 Kane ka jia namar ba u Blei u la dep kular halor ki kane kajia namar ba u Blei u ladep kular halor ki Israel. Kumta ha u snem 1948 AD la pynbna ba ki Israel ki laroi (develop) ha ki liang baroh khamtam ha ka Science and Technology, bad ka long Super power mynta. Ka Israel kumba ka long mynta, kala biang lut nadong shadong khamtam ha ki tiar thma kajuk ba mynta bad ka lah ruh ban tam ia kiwei pat namar ba u Blei u la kren, u la ai ruh ha kaba kan ialeh ia ka jingialehthma jong kine ki por kiba khadduh.

Ka ktien u Blei ka ong kumne: “Pha (Israel) pha long u sdie iapom jong nga da pha ngan pynlwet ia ki jaid bynriew (ia ki nongshun), bad da pha ngan pynjot ia ki Hima pyrthei. Da pha ngan pynlwet ia ki nongshynshar bad ia ki Deputi. Jeremaiah 51:20-23.
Ka Israel ka long ka Ri jong ka thma naduh ki por barim bajah hapdeng U David bad u Goliath kaba mut hapdeng ki Israel bad ki Philistia (Palestine) 1Samuel 17:1-47. Kine ki ar jaid bynriew ki long shipara naka pateng u Abraham. Genesis 16:1-16.
Kaei kaba jia mynta ka long ba kala poi u pud haduh ka thma kaba jur kaba lah ban ialam shaduh ka Thma Bah Balai ne Third World War, bad ka daw baroh ka long tang na ka bynta ka Jingiaknieh ia ka Jerusalem. Dei halor kane ka daw bah ba u Blei u ong ia ki ba ngeit baroh ba kidei ban duwai ia ka Jerusalem. To duwai naka bynta ka jingsuk jong ka Jerusalem. Salm 122:6. Kine ki por kidei ki por ba ki khristan baroh ki ladei ban duwai ia ka Jerusalem namar u Blei u la kren.

Lada ka thma Bah kan khie kaei ban jia? Ka Israel kahap ban ieng marwei ymdon shuh kano kano ka Ri kaba nud ban iarap dei ha kum kata ka por u Blei un pyndonkam ia ka Israel kum uta u sdie ia pom jong u pyrshah ia ki Ri ka pyrthei kiba wan attack ia ka. Bad lada ka thma bah balai kan sdang na Israel ne Jerusalem, kan salong ka jingkordit ia ka pyrthei bad wat ka UNO kan ymlah shuh ban pynsangeh ia kane ka thma. Kaei ka ban pyniasuk ia ka Israel bad un kular ia ka Peace Treaty da kaba tyrwa ia ki Israel ba kin ioh noh ia ka Temple balai ha Jerusalem (Third Temple in Jerusalem).

Lada ia ka Israel yn ai order ban pynieng Temple ha Jerusalem hajan ka Mosque kane hi kan pyni sha ka pyrthei ba u la sdang u Mrad khlaw ne u AntiChrist ne u 666 bad kan sdang ruh kata ka por kaba kut noh ki ia ( The end of the Age) jong kane ka pyrthei namar ka kordit bah kanjia ia kaba u Jisu u la dep iathuh. Mathaios 24: 21-22. Bad ba yn pynieng ruh ia kata ka jingijli ba pynduh (u Mrad khlaw). Mathaios 24:15.
Nakata kadaw kadonkam palat ba ki briew baroh kin phai sha u Blei bad ban duwai jur naka bynta ka Jingsuk ha Jerusalem. Salm 122:6. Lymkumta ka pyrthei baroh kan kynduh noh ia ki por ba jynjar tam ka bym pat ju jia na myndang long ka pyrthei. Mathaios 24:21. To ngin tip, baka Israel ka long u Sdie ia pom jong u Blei.