Shillong:Ka MLP Veteran bad ka Umpling SC kilong artylli ki kynhun kiba la ioh ban khur iaka lai point hadien baki la lah ban khur iaka jingjop haka jingialehkai jong ka PFR Veteran Cup kaba la long hynnin ka sngi ha Madan Malki.
Ha ka jingialehkai ka ba nyngkong hapdeng ka MLP Veteran pyrshah iaka Malki Taxi Association, ka MLP kala jop suk iaka da 7 kol la nod ha kaba u Bah Monshonroy Lyngdoh bad u Bah Andrew War kila ioh ban thep mar ar kol marwie katba u Bah G.M.Umlong, u Bah Prodensen Sangma bad u Bah Sunshine Pathaw jong ka MLP Veteran kila ioh ban thep mar shi kol.
Haka jingialehkai kaba ar ka Umpling SC kala pynliem noh iaka Board Presidents XI da 4 la nod. Iaki kol jong ka Umpling SC la ioh ban thep da u Bah Mathew Raj, u Bah Johny John Nongdhar, u Bah Donbor Kharkongor bad u Bah Benedick.
Lyngba ka jingjop baroh artylli ki kynhun kila ioh ban rung sha ka Pre Quarter Final ka ban sdang naduh ka sngi ba ar jong une u taiew u ban wan.
Ka jingialehkai kaba khatduh jong ka League ka ban long mynta ka sngi naka Group E ka Friends Utd kan iakhun pyrshah iaka Oldy 9 haka por 1 baje mynsngi, naka Group F ka Mawshabuit Veteran Club kan ia khun pyrshah iaka Challengers Lawsohtun haka por 2:30 janmiet bad naka Group G ka MSA kan ia khun pyrshah iaka Franks & Mawryngkneng Combine haka por 4 baje janmiet.