Shillong:Ka Mawpdang, Promising FC Malki, Riwar Utd Mawkynrew bad ka Sun Utd 3mer Upp Shillong ki long saw tylli ki kynhun kiba la ioh ban rung sha ka wat kaba lai hadien ba kila khur iaka jing jop haka wat kaba ar haka PFR Soccer Cup bala pyniaid daka Pay For Right Shillong kaba la long hynnin ka sngi ha JN Sports Polo.
Haka jingialehkai kaba nyngkong jong ka wat kaba ar kaba la long hynnin ka sngi ha JN Sports Polo ka Mawpdang ka lah ban pynliem noh iaka Kynjat Myllen Malki lyngba ka tie breaker da 7-6 kol hadien ba ki artylli ki kynhun ki khlem lah ban ia pynkhih jar haduh kaba kut noh jong ka kylla miet. Ka jingialehkai kaba ar jong ka wat kaba ar, ka Promising FC Malki kala shu jop noh daka said iaka Hima Khatsawphra da 2-1 kol. Ka jingialehkai kaba lai pat ka jingialehkai hapdeng ka Riwar Utd pyrshah iaka Demseiniong kala kut noh hapdeng ka jing ia khaid da nod la nod bad dei haka tie breaker ka Riwar Utd kala lah ban pynliem noh iaka Demseiniong da 2-1 kol. Ka jingialehkai kaba khatduh kaba la long hynnin ka sngi ka Sun Utd 3mer Upp.Shillong kala pynliem noh iaka Taxi Association Sohryngkham da 3-1 kol. Ki jingialehkai jong ka eat kaba ar ka ban long la sngi nyngkong, ka Knights Utd Mawpst kan ia khun pyrshah iaka Riwar Utd Gunners Malki haka por 1 baje mynsngi katba ka Board Presidents XI Malki kan ia khun pyrshah iaka Saw Aiom Laitumkhrah haka por 2:15 baje janmiet ha JN Sports Polo.