Shillong, 22 Nailur:
3 ngut ki MDC jong ka seng Congress ha JHADC ki la pep ha ka dorbar kyrpang mynta ka sngi. Kitei ki 3 ngut ki kynthup ia u CEM uba dang shu risaiñ u ma Thombor Shiwat bad kiwei pat ki 2 ngut ki long u Joinwell Pyrtuh bad u ma Badon Rymbai.
Katei ka dorbar ba la pyniaid da u Chairman u Arborhima Darnei, ka la neh tang katto katne minit namarba ka long tang ka dorbar ban pyntip ba u CEM u la risaiñ ban pyntip sha u Lat ka jylla ba un buh sngi ia ka dorbar kyrpang ban jied CEM thymmai.
Lah ban kdew ba ka seng Congress kaba bat ia ka bor synshar ha JHADC ka la thung ia u ma Andrew Shullai kum u nongialam ba thymmai jong ka ha JHADC.