Pep 6ngut ki myntri, sha ka Cabinet thaw ain Rangbah Shnong

Shillong, 11 Jymmang:
Tang mar shiteng na ka jingdon ki dkhot, la pynlong jingialang Cabinet mynta ka sngi ban iakren ia ka ain kaba iadei bad ka bor ki Rangbah Shnong bad kitei ki kynthup (nalor u myntri rangbah) ia ka Kong Ampareen Lyngdoh, U Zenith Sangma, U bah Rowell Lyngdoh, U bah HDR Lyngdoh bad U Bah Sniawbhalang Dhar.
Ha katei ka jingia lang, ka kynhun myntri, kaba dei ban don baroh khad ar ngut, hynrei, la iohi ba mar shiteng, kim shym la poi satia ha katei ka jingialang ka kynhun myntri bad katei ka pyni shai ba ka rai jong ka kynhun myntri halor ka iktiar jong ki Rangbah Shnong, ka la kad arliang bad kam don satia ka jingmut kaba ia beit lang shi jingmut. Ha katei ka jingialang Cabinet, la ia rai ban thaw noh ia ka ain kaba shipor lane ka Ordinance, kaba la ai kyrteng ka Meghalaya Special Courts Amendments Bill 2015 bad Meghalaya Local Administration (Empowerment of Traditional Institutions, Traditional Bodies, Headmen in Governance and Public Delivery System) Ordinance 2015.