Khliehriat:Ka kynhun pulit Anti Narcotic Task Force (ANTF) ha ryngkat ka jingtreilang ki police Ladrymbai, Lumshnong, Khliehriat bad ki pulit kiba don ha Infil-check Point ki la peitngor bha ha ka jingiadei bad ka jing pyrshang ki nongkhaii drugs ban kit ia ki drugs lyngba ka surok bah NH-06.
Na ka liang u DSP (Hq), u bah G. A. L Marshillong u la iathuh ruh ba kito arngut kiba la iohkem ha kine ki khyndiat sngi ki dang don hapoh ka jingtohkit ban lap dien ia kiwei pat kiba donkti ha kitei ki kam be-ain.
Kumban shu pynkynmaw ba ha kine ki kyndiat sngi katta ha ka miet 29 bad 30 tarik ha ka por ba talasi ia ki kali bad ha ka jingtasi ia kawei ka kali na Assam la ioh ban kurup 323 Grms u drok herion uba shongdor haduh 30 lakh tyngka ha iew die khutia.
Ki pulit ki la kem ia ki arngut bad la tohkit ia ki haduh mynta ka sngi. Ki pulit ki la iathuh kim pat lah ban ai jingtip ba bniah namar ioh ka thut ka jingtohkit ia kitei ki ar ngut.
Phi don ban ong eiei?