Gaza: Ka Israel Defense Force (IDF), ka la pyllait paidbah, ia ka jingkren jong uwei u snar ehrang Hamas, ha kaba ula phone, sha la ki kmie ki kpa bad iathuh khyllew, ba ula pyniap ia 10ngut ki Jew.
Utei u ehrang Hamas, ula kren ia ki kmie ki kpa, na ka phone jong kawei ka nong Jew, kaba ula pyniap ha ka shnong Mefalsim, kaba don ha khappud Gaza bad ula ong ia u kpa jongu “Peit kloi ia ka whatsapp bad phin iohi, da la ki jong ki khmat ia kito kiba nga la pyniap” ula ong ia u kpa jongu.
“Peit katno ngut, nga la ioh siat iap, da lade hi. U khun jongphi, ula ioh pyniap ia ki Jew” u da kren sngew sarong bha.
Nangta, u iathuh, ba ula pyniap, ia u tnga jong katei ka briew ruh bad u ong shuh shuh “Nga pyniap 10ngut, tang marwei hi! Pa, 10ngut, nga pyniap hi marwei” ula ong shuh shuh.
ki terrorist kiba pyniap ia ki briew ba khlem atiar bad khunlung khynnah ka bha ban ynnai khot ki ehrang …ki dei ki lehnoh..