“Peit ia ki khmat ba pynshoh bieit ka Aishwarya Rai, kumta bam dohkha shibun shibun” ong u myntri

U Vijaykumar Gavit, myntri jong ka jylla Maharashtra, uba peit ia ka Tribal Welfare, u don ia ka jingai jingmut ban pynshohbieit ne pynbhabriew ia ki khmat bad kata ka long, ban bam dohkha shibun shibun bad u da kynthoh ruh, ia ki khmat ba khring jong ka Aishwarya Rai.

Haba kren, ha ka jingialang paidbah ha Nandurbat District jong katei ka jylla, U Gavit, u ong “Ki briew kiba bam dohkha bha man ka sngi, ki bha sniehdoh shibun bad ki khmat jongki ruh, ki khring bha ia ki briew bad lada don kiba peit iaphi, kumta, ki la shu iapmat noh mar ia iohi”.

“Ngam pat ju iathuh shphang ka Aishwarya Rai? Ka sah harud duriaw jong ka Mangaluru bad kumta, ka bam dohkha man ka sngi. Peit ia ki khmat jongka bad maphi ruh, phin ioh ia ki khmat, kum ki jongka” ong u myntri. “Ka dohkha, ka don ia ka umphniang ha ka met jongka, ka pynjlih ia ka sniehdoh jongphi” ong utei u myntri, uba don 68 snem ka rta.

Ha kawei pat ka liang, U Nitesh Rane, MLA ka seng BJP, ula kynthoh, da kaba og “Nga ruh nga bam dohkha man ka sngi. Hynrei, balei ki khmat jongnga pat kim khring, kum ki jong ka Aishwarya Rai. Ngan sa kylli bniah na U Gavit saheb, la ka don kano kano ka jingwad bniah, halor kane”.