Pei thliew u klong snam u Lalu

Mumbai,28 Nailar:
U khliehduh ka Rashtriya Janata Dal u Lalu Prasad mynta ka sngi, u la shah puid namar ki jingpang ha ki bynta ki klong snam jong u bad ka la shim por haduh 6 kynta tam ban puid ia u Lalu na ka jingpang ba u don, katkum ki jingtip ba la ioh lum na ki bor pyniaid ka Asian Heart Institute la iathuh ba nalor kiwei pat ki jingpang klong snam kiba katei ka Hospital ka sumar ia u Lalu , kawei na ki jingpang ka dei ka pei thliew kaba 3mm ha u klong snam jong u . U Khliehduh ka katei ka Hospital u Dr Ramakanta Panda, uba dei ruh uba la sumar ia u Dr. Manmohan Singh MRD barim ha ki san snem mynshuwa u la iathuh ba ka rai jong katei ka hospital ban puid ia u Lalu ka dei hadien ba ka la dep ban leh ia kiba bun ki Test ia utei u nongialam ba la 66 snem. La iathuh da kiwei pat ki lad khubor ba ki nongialam ka RJD bad ki nongmihkhmat jong ka ki la pynlong ia ka jingduwai kyrpang na bynta u Lalu ba un ioh noh ia ka met ba koit ba khiah.