Pdiang sngewbha ki riew rangbah bad PSDDC ia u SDO ba nyngkong ka PSD ha Patharkhmah

Nongpoh: Ha ka sngi kaba u Bah BJ Kharshandi, u la sdang ban leit treikam kum u Sub-Divisional Officer (SDO) ba nyngkong eh jong ka Patharkhmah Civil Sub-division, la don shibun ki riew rangbah ka thain Ri Bhoi Sepngi ha ryngkat ka jingdon ki nongialam ka Patharkhmah Civil Sub-division Demanding Committee (PSDDC), ki la leit ban pdiang sngewbha ia u, ha ryngkat ka jingpynkup burom kaba kham kyrpang.

Katei ka sngi kaba kitei ki riew rangbah, ki nongialam ka PSDDC lem bad ki nongialam ka NPP Jirang ki la leit ban pdiang burom ia utei u SDO ba thymmai jong ka Civil Sub-division, ki la don shibun ruh ki nongialam shnong na katei ka thain, kiba la leit ban pdiang sngewbha ia utei u SDO ba thymmai ka Patharkhmah Civl Sub-Division. Lyngba katei ka sngi, kitei ki riew rangbah ki la ai da ki jingai sngewbha bad kiba la ai ka jingkitbok kitrwiang ba utei u ophisar sorkar ba un lah ban trei khambha na bynta ki paid nongshong shnong kiba don ha katei ka thain Ri Bhoi Sepngi hi baroh kawei.