Pdiang sngewbha ka KSU, da ki lama iong ia U Conrad & U Bah Prestone

Shillong: Ka Khasi Students Union (KSU), ka la pdiang sngewbha, da kaba pynher lama iong ia u Conrad Sangma, Prestone Tynsong, Dasakhiat Lamare bad Lakmen Rymbui ha Pynursla, mynta ka 13tarik, Nohprah 2022 halor ka jing sahdien ka Pynursla bad ki jingsahteng ki ishu ka dong ka thaiñ Pynursla bad ka jaitbynriew Khasi baroh kawei.

Ki ishu ba hakhmat ki dei ka jing bym pynbeit bha ia ki dulir u pud u ka India bad ka Bangladesh bad Assam- Meghalaya kaba lah ktah jur ia ki paidbah khappud ka Ri Bri u Hynniewtrep, ka jingkhang sah ia ki iew khappud, ka jing bym don ka jaka pule kaba kham shajrong, ka jingdawa ILP bad pyrshah CAA bad ka jingshah pyndik ki paidbah khappud ha ki shipai BSF kaba na ka por sha ka por, ka ishu Kharmetor bad ka jing shah siat iap ki paid Khasi ha Mukroh kaba dang shu dep jia dang shen.