Nongpoh: U Samla Anthony Syiem, u rangiakura Mixed Martial Arts (MMA) ha ryngkat u Bah Cores Marwein, uba dei u Coach, hynnin ka sngi ki la shah pdiang burom ha Byrnihat bad Nongpoh, namar ka jingwan rahnam jongki ia ka jylla ha ka jingkhun Matrix Fight Night kaba la long dang shen ha Dubai.
U samla Anthony Syiem 24 snem, uba la tip ruh kum u ‘Outlaw Bhoi’ u la mih naka jylla ban leit sha nongbah Dubai ban iakhun pyrshah ia u Karan Lama na ka jylla Maharashtra ha ka jingiakhun MMA Matrix Fight Night kaba la long ha nongbah Dubai ha kaba u la lah ban pynliem lyndang ia utei u Rangiakura na Maharashtra bad u la rah ia ka namjop, lyngba ka rai ki nongbishar.
Ki riew rangbah ba kynthup ia u Bah Plielad Tiewsoh Asst. Rangbah Shnong, Bah Marcus Marten President ka HNYF Northern Region, Bah Lansius Syiemlieh, President ka Ground and Pound MMA Gym kila pynpaw ka jingsngewkmen kaba khraw bad ai ka jingiaroh ia u samla Anthony Syiem bad ia u Bah Cores Marwein, halor ka nam bad ka burom kaba u la lah ban wanrah ïaka jylla na katei ka jingiakhun MMA kaba la long ha Dubai.
Phi don ban ong eiei?