Pdiang sngewbha ia ki nongiew ha KHADC rSngewrem ki Tynring, ba shah khang shabar

Shillong, 9 Iaiong:
Ki paidbah ka shnat Raid Tynring lyngba u bah Damehi Warpakyn tein, uba dei u Executive Member ka dorbar Raid u la pynpaw ka jingsngew rem halor ka jingleh ki bor KHADC, kumba la paw mynta ka sngi, ha kaba ym shym la shah ia ki paidbah ka Raid Tynring ba kin rung hapoh phyl law ka KHADC ban shong shah thngan, hynrei ki la ioh rung lyngba ka jingiapyni bor bad ka jingiaphrung jubor. “Ngi sngewrem ia katei ka jingleh jong ki, naba ngi ruh ngi dei na ka juh ka jaitbynriew” ong u bah Dame hi haba ia kren bad katto katne ngut ki nong thohkhubor, haba la kylli aiu ki don ban ong naba ia ki ym shym la shah rung katba ia ki nongiew kiba la wan ban kyrshan ia ka EC ha kito ki sngi ba la leit noh la pdiang sngewbah ia ki hapoh phyllaw ka KHADC.
Lah ba pynkynmaw ba ha ka por ba la mih ka kynrum kynram kaba nyngkong eh ha KHADC hapdeng ki MDC ka ARPA ha ka ka UDP ka la dawa ba u bah Ardent Miller Basaiawmoit u dei ban hiar noh na ka shuki CEM, ki paidbah nongiew ki la tuid sha District Council, ban kyrshan ia u bah Ardent bad kam shym la don kano kano ka jingkhanglad ia ki ban rung hapoh, ha kaba na ka liang u bah Ardent ruh u la ong ba ka jingailad ia ki ban rung ka dei namarba um kwah ba ki paidbah kin ia pynmih jingkulmar ha surok naba u pang met lada ki sha bom shah tied ha ki pulit ne ki bor ka ain, kumta u la khot bad pdiang sngewbha ia ki shapoh ban lait na kitei ki jingjia. Katba mynta ka sngi pa la iohi ba haba u paidbah ka Raid Tynring u la poi hajan ka KHADC la khang sbak ia ka khyrdop ban ym ailad rung shapoh , bad shipor ka la mih ka jingiasei bor ban ia khynniat mano ba kham khlain, hynrei u paidbah u la ioh ban rung puk hapoh phyllaw KHADC.