Pdiang ki nonghikai SSA ban hikai LP

Shillong, 11 Nailur:
Ki nonghikai hapoh ka Meghalaya Sarva Shishah Abhiyan School Teachers Association 4th Teachers (Under State Plan) ki la pdiang ia ka ia ka jingthmu ka sorkar ban phah ia ki nonghikai 4th Teachers na ki skul Upper primary school sha ki Lower primary school.
Ia kane ka rai la shim ha ka jingialang jongki kaba long ha kane ka sngi Saitjain ha Khasi National Dorbar Hall, Mawkhar,Shillong.
Ki nonghikai ki la kyrpad pat ia ka sorkar jylla, haba rah ia ki na ka UP sha ka LP dei ban rah da kaba ai ha ki da ka jingsiew katkum ka deficit pattern, bad dei ban buh ia ki ha ka juh ka Closter Resources Centre (CRC) lane kiba ia jan eh bad ka CRC.
U Chairman ka 4th Teachers Association u Bah Hababut Marbaniang, u la ong ba ki skul SSA ha ka jylla baroh kawei kiba don ia ki Fourth Teacher haduh 1521 tylli bad ka jingeh ka mih dei ka jingleh ka sorkar ha ka por ba thung ia ki ha kaba sdang namar ka dei na ka pla ka sorkar jylla.
U la ong ba ka seng kan sa phah da ka jingthoh sha ka sorkar jylla ha kaba iadei bad kane ban pan ia ka jingpynshai.