Pdiang ka tnat iada ri ka India, ba ka China, ka la tam pud

Ka India, ha ki khyndiat sngi ba ladep, ka la pdiang ba ka don ka jingtam pud jong ka China ia u pud u sam ka India bad ka la kren shai ruh ba katei ka jingtam pud, ka lah ban shim por slem ban ia pynbeit. Na ka liang ka China, ka dawa ia ka India, ba kan kynran kham shadien ha ki bynta jong ka Pangong Lake.

Katei ka jingthoh, ka dei kaba la buh ha ka tnat iada ri jong ka sorkar India, ha kaba la buh ha ka website jong ka tnat iada ri jong ka sorkar India, ha kaba ka mynjur ka jingtam pud jong ka China, wat la kam shym pyndonkam da ka ktien aggression hynrei ka pyndonkam da ka kyntien “transgression”.

Ka tnat iada ri, ka mynjur ba katei ka jing tam pud, ka jia ha U Jymmang 2020, hynrei ia katei ka jingthoh, la weng noh mynta ka sngi, na ka website jong katei ka tnat.

U Rahul Gandhi, u nongialam jong ka seng Congress, ula kynnoh jur ia U Narendra Modi, myntri rangbahduh ka India, hadien katei ka jing mynjur jong ka tnat iada ri, ia ka jingwan tam pud ka China, ha kaba U Gandhi, u kynnoh ba U Modi, ula thok ia u paidlang ka Ri India.