Pdiang ka sorkar, ia ka Kong Irene, kum ka MDC ban thung U Lat

Shillong, 07 K’lyngkot:
U Myntri Rangbah ka jylla u Mukul Sangma u la ong ba ka sorkar ka la pdiang ia ka kyrteng jong ka Irin Lyngdoh ka MDC barim ban long ka MDC shu sieh ka Khasi Hills Autonomous District Council (KHADC) bad ia ka kyrteng jongka, yn sa phah noh shen sha u Lat ka jylla u V. Shanmu ganathan ban ioh ia ka jingmynjur.
U Sangma u la kam ba ka Sixth schedule ka riti synshar ka ri ka ai ia ka jingkitkhlieh ha ka sorkar ban thung MDC shu sieh ha KHADC.
Kane ka jingiapyni bor hapdeng u Mukul bad u Bah Pynshngain N Syiem ka lah ban buh jingeh ia u Bah J. Reenbohn uba la phah da ka KHADC ban thung MDC shu sieh.
Halor u MDC shu sieh ha GHADC, u Sangma u la ong ba ka sorkar kan sa bud ia ka ain halor kane ka bynta.
“Ngim pat rai ia ka kyrteng MDC shu sieh ha GHADC,” u la ong.
Shwa ia kane, ka GHADC ka la dep phah ia ka kyrteng jong u Conrad K. Sangma kum u MDC shu sieh hynrei ka sorkar kam pat phah satia sha u Lat.