Pdiang ka Meghalaya ia ka Manipur ha ka jingiakhun U-19 men Cooch Behar Trophy

Shillong:Ha ka first-class tournament jong ka U-19 men Cooch Behar Trophy, mynhynnin ka sngi ka Megha laya kan pdiang sngewbha ia ka Mizoram ban ia aireng ha katei ka lympung kaba dei ruh ka jinglehkai kaba nyngkong jong kitei ki kynhun ha kane ka Trophy.

Katei ka jingiakhun kan sdang naduh ka por 8:30 mynstep bad yn pynialehkai ha ka Meghalaya Cricket Association Ground, Polo bad ki paidbah ki lah ban wan jngoh ei ia katei ka jingiakhun khlem kano kano ka bai rung.

Ha kane ka samoi kaba mynta u snem, ka Meghalaya kan ioh ban ialeh san tylli ki jingiakhun kiba kan iakynduh pyrshah tang ia ki kynhun kiba na North-East. Ka long ruh ka sien kaba nyngkong ia ka BCCI ba kan pynlong ia kum kine ki jingiakhun ha ka nongbah jong ka jylla ha kane ka samoi ialeh 2023-24.
Na kitei ki san tylli ki jingiakhun jong ka Meghalaya, lai tylli yn pynialeh ha la iing pyrshah ia ka Mizoram, Nagaland ka ban ialeh ha ka 24 Naiwieng bad ka Manipur ha ka 15 Nohprah. Ki ar tylli kiwei pat ki jing iakhun kiba yn pynialeh shabar ka iing ki long pyrshah ia ka Sikkim bad ka Arunachal Pradesh.