Pdiang ka KHADC ia ka mang tyngka

Shillong, 24 Jylliew:
Ka dorbar jong ka KHADC hynne ka sngi Nyngkong ka la pdiang ia ka mang tyngka jong u snem 2013-14 kaba dunaT. 27,610.
Ia kane ka mang tyngka la wanrah ha ka sngi long dorbar ba nyngkong, ka la kdew ia ka jingpynlut ban kot sha ka T. 88, 22, 39,630 klur bad ka jingpynmih ban long T. 88, 22,12,020 klur kaban duna T. 27,610.
Katkum ka jingmang pisa ba la khein antad, ka KHADC kan sa ioh lum haduh T.1.35 klur na ka license. Ka bhah na ki mar poh khyndew kan ioh bad na ka khajna ki nongtrei kan long T.15.25 klur bad T.7.5 klur.
Ki jingtrei bad ki kam pynroi ki la ioh bhah haduh T. 56.42 klur. Kiwei ki tnad kiba kham ioh bhah bun ki long ka General Administration (T.15.09 klur), Forest Administration (T.4.67klur) bad ka Revenue bad ka Finance (T 3.73 klur).