Shillong: Ki dkhot jong ka CoMSO, mynta ka sngi, ki la pdiang da ki placard dawa ILP, ia u P.Rupala, union minister ka tnad Agriculture and Farmer welfare ha ka por ba u wan sha ICAR Umiam.
Kane ka jingiakhih ka long ban pynkynmaw ia une u myntri ba ka sorkar Jylla ka la mynjur da ka resolution ban pyntreikam noh ia ka ILP ha ka jylla, hynrei ka sorkar pdeng kam pat shym la leh eiei halor kane.
“Ngi pdiang sngewbha, ngi sngewnguh bad ngi khublei ia ka jing wanrah jong ki tnad sorkar ia ki lad pynroi, ngi kyntu ba kin wan rah shuh shuh ki scheme pynroi ha ka jylla, hynrei ka sorkar India ka dei ruh ban shim khia ba kin ai ia ngi ia ka hok jong ngi ka ILP ba ngin ioh ban iada ia lade na ka jingshah tyllep noh ha ki poiwir ha la ka jong ka Bri bad ka Jylla” ong ka kyrwoh na U Bah Bandari Ryntathiang, Joint secretary, COMSO.
I mat ka sentar kam kwah ban don ILP ha kane ka Jylla jong ngi. Ka lah ju mih ka jing pyrshah ia kane na ka liang kito kiba don ïng basa ( hotel ). U Bah Pala, U MP jong ngi, u lah ju kren ia kane. Na kata ka daw, ngam lyng-ngoh ia ka jingleh sa lia na ka liang ka sorkar kmie.