Pdiang burom khatduh, ki nongtrei ka Jiva Nongpoh ia ka met u Bah Neil Nongkynrih

Nongpoh: Hynnin ka miet ha ka por 11 baje ei ei mynmiet, ki nongtrei ka Jiva Restaurant Nongpoh, ki la pdiang bad leh burom khatduh ia ka met u Bah Neil Nongkynrih, u nongseng ia ka Shillong Chamber Choir, kata ha ka por ba ia ka met u Bah Neil Nongkynrih la wanrah LGBI Airport Guwahati da ka jingthmu ban pynpoi sha Nongbah Shillong na ka bynta ban pyndep ia ka jinglehniam ba khatduh.

Shwa ban poi ka met u Bah Neil Nongkynroh ha Jiva Restaurant Nongpoh, kitei ki nongtrei ka Jiva ha ryngkat ka jingdon kiwei dei kiba dei na Shillong, ki la ieng da u lain ban pdiang burom khatduh ia u na ka jingiaid lynti na Nongpoh sha Nongbah Shillong, kaba long ruh kum ka dak ban pynpaw ia ka jingsngewlem kaba khatduh ia kiba haiing hasem, kiba la synran lang ruh naduh nongbah Mumbai bad na Airport Guwahati ha ryngkat ka jingdonlang ki heh jong ka bor district bad ki bor pulit ka Ri-Bhoi.

Haba la poi ha Nongpoh, kitei ki nongtrei ka ka Jiva ki la theh ruh da ki syntiew sha ka synduk jong u Bah Neil Nongkynrih kaba la thep ha Ambulance ban pynpaw ba ki ruh ki don bynta lem bad ba un shong haka jingjah thaid ba junom kumba u dei uwei naki riew pawkhmat bad uba la seng nongrim ia ka Shillong Chamber Choir, kaba la wanrah nam ym tang ia ka jylla hynrei ia ka Ri hi baroh kawei.