Pdiang burom ka HSPDP Ladweitang, ia U Dr Pariong

Nongstoiñ, 24 Risaw:
U Dr. A. Pariong u la shah pdiang burom kum u dkhot ba pura sha ka party HSPDP, ha ka jingialang ba la pynlong da ka Primary Unit Ladweitang ha ka sngi sait jain jong ka taiew bala lah ha ryngkat ka jingiadon lang ki secretary, president na ki unit bapher bapher la donlang ruh u bah D.Sun President ka Unit Ladweitang , u bah D.Jyndiang MLA ka Nongstoin, ki nongkitkam na ka Nongstoin Area Unit , ki paitbah bad ki wei ki wei.
Katei ka jingpdiang jong katei ka PU ia u Dr.A.Pariong sha ka party ka long ruh ka kum ka jingnang pynskhem ia u kum u dkhot ba pura hadien ba u President ba rangbah duh jong ka party u bah Ardent Basaiawmoit u la ioh ban pdiang burom ia u ha ka 9 tarik u bnai November 2015 u bala ai ka jingkyrshan ia ia u bah D.Jyndiang u bala jop don burom ha ka election shiteng samoi kum u MLA ban mih bujli ha ka jaka jong u Ma ieit Hoping bam kwah ha duwar u Blei.
Ha katei ka sngi la ioh ruh ia ka jingkren na ka liang ki riewrangbah ki ba la kren shaphang ki nongrim jong ka party HSPDP ia kaba u Ma Hoping u la ialam kum ha ka khyndew ka shyiap, ka shynshar ka khadar bad ki wei ki wei.
La ioh ruh ia ka jingkren na u MLA ka Nongstoin u bah D.Jyndiang ha kaba u la pynpaw ka jingai ai khublei kyrpang ia u Dr.A.Pariong u ba la wan phai bad rung biang sha ka party bad u la ong ka jingrung jong u ne u rangbah kan nang pynlong shuh shuh ia ka party ba kan nang ioh bor bad nang khlain hapoh ka Nongstoin Constituency.