“Pasan” ong U bah Lam, uba leit bret sha Wah Umiew

Shillong, 19 Nailar:
Ha ka jingiawad daw bad ia thir nia, kaba jur bha ha ka dorbar Shnong ha Smit, ban lap ia uba donkti ha ka jing rahbor bad pynmyn saw ia U Bah Lam Nong rum, uba don 24snem, la ioh sngew ia ka jngkren kaba kham shai, na ka meinah jong U bah Lam, kaba la ong “U Lam shu ong beit Pasan ‘En iap re”. Katei ka longkmie, ka iathuh ia kaei kaba ka iakren bad utei u samla, uba don mynta ha ka jingshah sumar ha Nazareth Hospital, Shillong.
Haba iakren bad U Rupang, ka iathuh bniah shuh shuh “Ula mynsaw na tyrpeng, na snier ruh mong, na ryndang ruh mong, ka snier, ka long kumba trud. Ka kjat ruh mong. La shu law lyngkhuit baroh shi rynieng. Tang kawei ka sopti poh ruh ym don shuh”.
Ka kmie nah jong U bah Lam, ka iathuh ba utei u khun ruid jongka, u jah ha ka 14tarik mynta u bnai bad haba la ia wad ym don ba lap satia, hynrei ka dei ynda haduh ban da miet, ba la don ba lap ia u, na madan Umphrup. Ka dei hi ruh naduh katei ka miet, ba um lah shuh ban kren, kat haduh ha kine ki sngi, ba u dang shah sumar ha Hospital.
Haba u nongthoh khubor, ula kylli la ki don ne em, na kitei kiba shah pyniap, kiba dei ki pasan jong U Bah Lam, ka kmie nah jongu, ka iathuh “Baroh arngut, ki dei ki Pasan”.
La iathuh da ki nongshong shnong, ba ha katei ka miet jong ka 14tarik, hadien ba la ot bad pynmynsaw ia U bah Lam, la leit bret ha Wah Umiew, hynrei, namar ba ka um ka jyndong ha katei ka sngi, ula lait ban mih nangtei napoh Um bad ynda, ula poi sha ryngkew, ki sa don kiba iohi bad iarap lem ban leit ialam ia u sha la iing sha Smit.