Para ri, to tip uei u smart meter

Editor,
Sngewtynnat bha ba ha kine ki taiew la don ki seng ba kwah ban tip u ei u smart meter. Nga la kylli bniah bha ia iwei i nonghikai College ba hikai ia kane subject da ki 37 snem bad i la kloi ban pynsngew sha ki paidbah. Bad i don ban pynsngew sha ki paidbah ha Meghalaya da i sur ba baroh ki pei phang:-

Ha kaba nyngkong u ei u electric meter? U meter u thew ia ka bor ding ba ngi pyndonkam khnang ban siew sha ki bor ai bor ding bad ha Meghalaya, kane ka long ka MeECL ka ophis ha Lumjingshai (Mawlai). Mynshwa eh ngi la don u Electric Meter ba shad i pliang aluminium bad mih ki nombar ban iathuh la bam bor ding katno. Kito ki por ki long kiba ka MSEB ka da pyrkhat bha ia ngi bad i’u meter ruh ki da check bha hadien ba ngi la thied. Long thik kum ki pyrla die khaw ba bniah ka sorkar khnang ban nym shah thok ki nongthied khaw. Mynshwa ba ka sorkar kam kwah ba paidbah yn shah thok, ki don ki inspector ka thew ka woh bad ki quality kum petrol ruh. U Jaipur meter u la dei u wei. Bad u dang trei kam hadiien 50 snem. Bad ki khynnah kiba pli ki ioh kam kum ki nongpule ia ka bill (meter readers).

Sngewsih phi ki iaid ki por bad ka sorkar hana ba don ki briew mushlia (ki don mo ha byrni ba sain nar 4 ki kharkhanna ki shrieh mushlia phi .Kine ki briew heh saipan ki hikai tuh ia ki linemen ka MeECL). Te ban lait mushlia, la mih u electronic ba don i lait saw thik kum tiew krismas. Kat nangheh ki jingpyndonkam i lait saw i nang stet bad ki nombar ruh kiew khamstet ha i ïit (LCD Display) kum i to ha mobile. Une te u ba thew thik bad kham bniah ban i’u ba rim. Lada duna ka Voltage kum ha ri India ba la bun ki ba ring bor ding khlem salia ban tei power generator, te phin lap ka bill ka kiew arshah bad sa hiar kiba pli ki nongsiew bill sha ophis ban kynroi. Ngi kum ki paro jemnud ngi la shah thok phi ha baroh ki dong.

Mynta ngin poi sha une u Smart Meter, i ba i minister Bording i lA ia shongshit katta katta khamtam naduh ba la weng noh i’u ne u James Sangma na Power ne Bording. Balei mo? Ka daw ka long ba i ne i meter in sa khyrwit pisa na 2 liang mamla. (1) U long uba rem kum 5,000 T ei ei. Nyngkong hana u James Sangma u shla 9,000/-T, hadien ba iakhih to 3,000/-T mo bad khadduh pat hana iohei ba iarap kata ka Asian Development Bank. Ym pei shuh, khadduh 5,000 /T. (2) Phin hap thied Smartphone de. Te ki smartphone kin hap thep tender mano company ban sangah commission kham heh. (Te Komishon te ym lait phi). Mano ban hap siew? Dei manga maphi kein da ki phew lak ki iing ha Meghalaya. Lightning Smart Phone Back la jied te da phew phew hajar klur tyngka, khamtam la jan election mo. (3) Ine i smart phone in ym donkam meter reader (bapli nongjngieh meter). Man ka 30 minit kin iathuh ia phi “Hei Bah ne Kong ka bill katta mo. Kane kan pynkyndit threk ban nym lut phut. (4) I smartphone te bun ym trei kam ba tlot network. Te khnang ba phi phin ioh kren bad MeECL ban lait ka iakajia por ba ka MeECL kan OT bor ding, phi hap buh WIFI, i kynja wireless ha kamra ban nym dikut ka message mo. Ine in pan pisa 5,000 T ei ei. Bad sngewsih ba nga, nga la buh bad ym ler phi. don ki kamra bym ioh network, shu buh phi don ha kyrpong iing te lada byrngem ki bor ban OT lait bad phi phim ioh message, te la iamai ha smartphone te phi. Ka jingkylli iei Tynsong, Bah ki kmie ki kpa kim ioh pisa ban thied smartphone na bynta ki khun ba leh Online, te phin sa iarap ma phi ne shim ram na Bank? Sngewbha da Jubab mo. (5) Ka khlieh business i Bah P. Tynsong bad i Satnam Global Ltd. ba shna meter te shyrkhei namar une u Satnam uba shna meter HPL um dei uba ka Sorkar Pdeng ka la mynjur.

Ka company ba la mynjur ka long ka Schneider kaba na France ba la rim bha ha Mysore South India. U bakha ha Mawlai u la hap weng i’u meter ba dang trei, uba la shakri 50 snem ei ei hana ban buh d’u Electronic u Satnam u HPL. 7 bnai la duh ba ito i nomber i la jngut. Ka MeECL ka la bthah i’u bakha ban phah sha Guwahati ba don ka Godown u Satnam (Ki transformers ba tang shisnem la duh noh sa ki spah tylli. Bad kat bym pat repair u trai un hap hun da Average Billing (Mut peit khai ki bill rim). Kane ka kam beain mo namar por tlang ba thang heater bad por lyiur bym thang ki pher bak lybak. Hadien 5 bnai i message na Karkhana “Ym lah repair thied noh thymmai. Ki khun ki jongngi ha Cyber shop bujli screen tang 5 kynta. Ine i Satnam i Tynsong im lah. Ki company la Elektrik ne Kali ne TV ki la shet mo bym don ki After Sale Service. Bret sha thliew ki markordor. (6) Ka MeECL tip ma, na kano ka daw, Wat i’u to u electronic ruh kam shym patiaw ban bthah i’u paidbah ban jied tang Secure. (Ho’oid u kham rem 700 T tam i’u HPL u Satnam bad Tynsong). Ka MeECL ruh imat don Komishon lymda kumta balei buh lai tylli u Secure, Genus bad i third class HPL u Satnam bad Tynsong and co. Ngi ki paid shah thok ha baroh phi tang khyrwait nar, thied mar kordor kumba thied biri Mother India te phi. (7) 7 Te number ba dakaid duh. U HPL u dei na company China. Ynnai mushlia bad sorkar India bym kwah shuh ino ino tiar China naduh ba leh kulmar u China ha Doklam. Hynrei kynmaw China, Russia bad Israel dei ki dakaid Cyber Crime. Te lada i don i softwares (bor computer hapoh) un sa lorni lut katba don ha iing. Peit OTP (One Time Password) Ma Tapnep Ai kulmar i’u mama kren phoreng poi account 50 Tyngka.

Te mynta phi la shai kdar tharai bad to ngin tih jylliew kumno ka ri Bilat kaba la shem i’u Smart Meter ka la lap ia ne u Smart Meter. Ka jingpyndonkam i’u dewiong ban pynmih bor ding ka la ktah ia ka Meiramew haduh ba u slap bad lyer bad jingkhluit ki la kulmar lut. Peit i babu Soso Tham, i myllung i la thoh “Hangno ka Bramah Hakhmat ka Surmah”. Mynta kham shlei ka Bramah ban Surmah. Sohra la duna slap duhnong nongshna knup tang shatri stail la biang phi.
Te ki Bilat ki la shna ia Smart Meter ban (1) pynsngew ha ngi ba shet ba tiew ne pynmeh lait man ka 30 minit “Hey phi la leh lut phut phi”. (2) Ha Bilat ba bynta shu buh u ‘A’ don 5 tylli ki bor supply mo. Kine ki 5 ki ia kren para maki kumno bad mano napdeng 5 ba lah ban ai bor ding thik 230 volt i’u ‘A’ bad ha i dor ba tad duh bad khamtam ban nym lut san thang dewiong (Ngi ha Meghalaya te donbok ba dei bor um na Umtrew Umiam bad Leshka). Baroh 2 kitei ki kdew kumno ki ri ba ieit Meiramew bad nongbam bording ki da pyrkhat i’u paidbah.
Hangne ha ri buittuh jongngi te kim leh kumta hynrei kumno ban shna nar. Peit ki mar naduh Elektrik, Kali, Kor Suhjain, Switch, Baje Juti la jyllei ki duplicates, triplicate kumta ter ter. i Bah Tynsong bad i Satnam te kin sa shet i’u paidbah ha Meghalaya.
Ngi kylli i’u ba-ha-iing ha Bilat shaphang i smart meter bad i la iathuh ba ha Bilat ym don jingpynbor ban teh. Kaba sngewma ka long ki khubor ha Canada ba don ki meter ba meh ding. Kane para ri ka long ba une u smart meter in don OCP ne Overload Current Protector ne u automatic Fuse ban Dikut por ba palat ka bor ding, (Mar ia rit i current u on pat automatic), ingkhong lut waiar, jliah iu dieng ba khlein ne balance bun rong rong ne shylliah rkhiang. Lada phi kloi ban jngoh Youtube phin lap ia ki jinglap ki briew. Uwei na Assam u bynniaw ba u smart meter u pyni bill arshah ia barim khlem don tiar elektrik ba thied thymmai.
Ngi sngewnguh ia ki seng ba kylli shaphang ine i smart meter. Ko bah Tynsong lada phi long shisha u Nongmihkhmat ba pyrkhat i’u DUK i’u SUK ialam i’u paidlang da ka Nuksa bad Long Guinea Pig maphi (Ym pher wat la phim lah pyllait san ksai bad u paralok ha i business i jongphi u Satnam Global Infra Ltd.) bad ka Cabinet. Hadien katto katne phew snem ngin da kloi ban bud. Ioh long thik kum ito i myrsiang ha Phawar Aesop ba ialap “Hei para ot noh ia i tidong ban kylluid ka leit ka wan bad pyng-ngad “.Phewse ot i kurat por tuh Syiar te phi.
Kiba burom. etc.
Bah Arden Basaiawmoit,
Lad Nongkrem.