Pan ram ka Meghalaya 100,000 Dollar na ka ADB

Shillong, 19 Naitung:
Ka sorkar Megha laya ka pan ram na ka Asian Development Bank (ADB) na ka bynta ban pyntreikam ia ka ‘Supporting Human Capital Development Meghalaya Pro ject’ ha kane ka jylla.
Kane ka projek kaba shong dor US$ 100,000 ka thmu na ka bynta ban thaw kam ia ki samla hapdeng ka rta 16 haduh 35 snem, ban pynbha ia ki skul secondary bad higher secondary bad ruh ki technical bad vocational.
U Myntri Rangbah ka jylla u Dr Mukul Sangma u la iathuh ha ki nongthoh khubor ba ka sorkar jylla ka la dep pdiang ia ka ki kyndon ban iasoi ia ka jingiateh bad ka ADB.
Kane ka ram kan wan na ka ADB, kan kynthup ruh ka jingiarap. Ka ram kan long 10 percent bad 90 per cent kan long ka jingiarap bad lyngba kane ka sorkar kan sa lah ban pyntreikam na ka bynta ka jingbit jingbiang jong ki samla bad ha ka tnad pule puthi ha ka jylla.
Ki kam ban ioh jingiarap na kane ka ram kin long ka jingshna ia ki iing skul, ka jingai jinghikai ia ki nonghikai, bad kiwei kiba iadei ban kyntiew jong ka spah ka imlang sahlang.