Pan pulit shuh, ban pahara elekshon

Shillong,11 Rymphang:
Ka tnad pulit ka East Khasi Hills ka la pan bor pahara shush na ka bynta ka elekshon MDc 2014, u SP ka East Khasi Hills u bah M H Kharkrang u la ong “Ngi la pan shuh ki bor pahara na ka Head Quarter ki pulit namar ka elekshon MDC 2014’ hadien ba la wai ka jingialang jong ki election sectoral officers ba la pynlong da u Deputy Commissioner Sanjay Goyal mynta ka janmiet.
U Bah Kharkrang u la ong ruh ba ki pulit ka district kim pat dap na ka bynta ban pynbiang ia ka jingpahara elekshon, “Ngin pyrshang ban pynbiang kata kum ka jingdon ki pulit mynta , hynrei la kular na ka Head Quarter ki pulit ba kin phah bor pahara shuh na ka bynta katei ka elekshon” bynrap biang u bah Kharkrang.
U bah Kharkrang u la ong ba ki bor pulit kiba don ha ka ki jaka thep vote lane ki bor syntiat kiba ia jan kin peit pyrman bha ba kan ym don kano kano ka jingleh thok bad ka jingnion bein ia ki paidbah ba kin pyndep ia ak hok jong ki ban vote , u la ong ba ki pulit kin ym map lada lap ia kiba pyrshang ban leh da ki kam ki bym long, wat ia ki nongsain hima sima ruh kiba pyrshang ban leh jubor ki pulit kin pynshitom beit katkum ka ain, ong u bah Kharkrang uba la ban biang ba shen ki pulit kin sap hah ia kito ki ba don suloi ba kin pynpoi noh sha thanad khnang ba kan ym mih kano kano ka jingshim kabu ha kane ka elekshon.
Ha ka juh ka por u Deputy Commsissioner ka East Khasi Hills u Sanjay Goyal u la ong ka bor pyniaid District kan pynbit pynbiang ban pyniid beit iaid ryntih ia kane ka elekshon khnang ba kan long ka elekshon kaba khuid.