Pan por u Syiem Sohra na ka KHADC

Shillong, 17 Jymmang:
Ka jingshong bishar ka KHADC halor ki jingujor pyrshah ia u Syiem Sohra u Pa’iem Freeman Sing Syiem ka dei ban long lashai ka sngi ka 18 tarik u jymmang, hynrei na ka daw ka jingpan por jong u Syiem Sohra ka la pulom noh. U EM ka tnad Elaka u bah Latiplang Khar-kongor u la ong ba u Syiem Sohra u la pan por bad la ai por ia u shi taiew kaba mut hapoh ka 25 tarik mynta u bnai.
Lah ban pynkyn-maw ba ki jingujor pyrshah ia u Syiem Sohra ki la wan na kiba bun ki liang -na ki nongsynshar shnong ha kaba la kynnoh ba u Syiem u la pynkhein ia ka riti dustur bad la ujor ruh da ka KSU South Khasi Hills halor ki jingjia kiba la jia ha Majai kaba la kynnoh ba u Syiem u la ai pata khyndew haduh kumba 450 tylli eiei sha ki bar jylla bad la kynnoh ba ia ujuh u briew u la ai pata haduh kumba 10 tylli eiei bad kiwei pat ki jingujor.
Lah ban pynkynmaw ba kham mynshuwa haba ia kren bad ki nongthohkhubor u EM ka Elaka uba dang shu shimti shen ia katei ka tnad u bah Latiplang Kharkongor u la ong ba un bishar bniah bin pa bin ia baroh ki jingujor bad lada jia ba lap ba ka don ka jingleh thur mur jong u Syiem ka KHADC kan leh ia kaba donkam kaba lah ruh ban poi sha u pud ba yn sospon noh shuwa ia u.