Pan nongrim ka Meghalaya na Karnataka

Shillong, 12 Jylliew:
U Myntri ba peit ia ka tnad General Administration Department (GAD) Bah HDR Lyng doh u la ong ba ka sorkar Meghalaya ka la kyrpad na ka sorkar Karnataka ban ai nongrim iing ia ka Meghalaya ha Bangalore.
“Ngi dang ap ia ka jubab na ka sorkar Karnataka”, la ong u Bah Lyngdoh haba jubab ia ka jingkylli hapoh ka iing dorbar thawain hynne ka sngi Palei.
U la ong ba ka sorkar ka la shim ia ki lad ki lynti ban kyrpad ban ai jaka ha Bangalore.
Haba jubab ia ka jingkylli u MLA ka Sohra u Bah Titosstarwell Chyne ha kaba iadei bad ka iing ka Meghalaya ha Guwahati, u Bah Lyngdoh u la ong ba ka tnad GAD kam shym la moramot ia katei ka iing man u snem. Shwa ia kane, u Bah Chyne u la ong ba ka iing ka Meghalaya ha Guwahati ka la long kaba isynei bha namar ka la jot rathai.
“Ha ka por ba nga leit, la iathuh ia nga da ki nongtrei ba ka iing ka la rim bha khlem airong la saw snem,”, la ong u MLA ka Sohra.