“Pan noh ia ka pisa na ka kompeni ne yn shah pynngat mukotduma” Halor ka jaka shoh doh ha Jowai,byrngem ka PAC

Shillong, 7 Nohprah:
Ka Public Accounts Committee (PAC) jong ka
Meghalaya Legislative Assembly ka la bthah ia ka tnad ri jingri ne ka
Animal Husbandry and Veterinary ka jylla ba kan shim ia ki lad ki lynti mardor ban pynioh biang ia ka pisa bym pat pynlut kaba kot sha ka T. 1.81 klur kaba la ai sha ka kompeni Chennai Abattoir bad ka Rishan Rapsang Construction ban shna ia ka jaka shohdoh ha Jowai, West Jaintia Hills
“Ka tnad ri jingri ka dei ban shim ia ki lad ki lynti mardor ban pynioh ia ka pisa kaba sah la 2 snem tam”, la ong ka secretary ka Assembly ka Kong H Mylliemgap ha ka shithi ba la thoh sha u director ka tnad ri jingri u Dr J Jyrwa ha ka 5 tarik Nohprah.
Ka secretary ka la ong ba lada donkam ka tnad ka lah ban iasoi ia kajingiateh kaba thymmai na ka bynta kane ka projek.
“Ia ka jingbthah dei ban leh mardor hapoh 10sngi naduh ba la iohpdiang ia ka shithi bad lada ka tnad ri jingri kam leh, ka PAC kam donlad da kumwei pat hynrei kan pynngat mukotduma ha ka kam runarpyrshah
ia ki nongtrei ka tnad ri jingri kiba rim bad kiba mynta”, la byrngemka secretary ka Assembly.
Ka Kong Mylliemngap ka la ong ba ka jingbthah jong katnad ri jingrisha ka kompeni ban sdang noh ia ka kam, kam shym la pushe eiei iamynta Ka la ong ba ka komiti ka sngewkhia jur ia ka pisakaba siew shakatei ka kompeni la ar snem hynrei khlem pyntreikam satia. “Ka jingshna ia ka jaka shohdoh ka la kut lada iaid katkum ka ain.Ka komiti ka iohi ba kane ka dei ka kam kaba ka tnad ri jingri kamshym la kitkhia ban leh ia ka kamram ban iada ia ka jingbit jingbiangjong ki paidbah”, la ong ka secretary ka Assembly.
“Ka pisa kaba T.2 lak kam long kaba shai ha kanoka rukom ka tnad rijingri ka la buh ia ka”, la ong ka secretary bad ka la pyni ba ka tnadka la leh sbun ia ka kompeni kaba khlem trei ia ka kam.
Ka la ong ba ka jingleit jurip dang shen ia katei ka jaka shohdoh kala pyni ba la pynieng tang ia ka sem kaba ai jingkhein bala lut T. 4haduh T.5 lak bad ka jingbuh ia u transformer ba T.4.5 lak.
“Kaba sngew phylla, kam don kano kano na ka liang ka tnad ri jingriban pynioh biang ia kane ka pisa haba katei ka kompenikam shym lapyni dak eiei ba ka treh ban trei ia ka kam”, la ong ka secretary kaAssembly. ia kane ka jingsahteng ka jaka shohdoh ha Jowai la lap da ka PAC haka jingleit jurip jongka ha ka 11 tarik Naiwieng ba la dep. Kane kajaka shohdoh la mang ban shna ha ka jinglut kaba T.7.65 klur. Iakane ka PAC la khlieh da u MLA Bah Hoping Stone Lyngdoh kynthup ia ki dkhot Bah Paul Lyngdoh, Bah Ronie V Lyngdohbad Bah Pynshngain N Syiem.