“Pan map” ong ka Synjuk Rangbah Shnong ia U MLA Mylliem

Shillong, 29 Risaw:
Ka synjuk ki Rangbah shnong ka sor Shillong ka sngew bynniaw ban ioh sngew bad iohi ia ka jingkynnoh jong u Bah RV Lyngdoh ia ki Dorbar shnong ba ki dei kiba donkti ban ailad ne don bynta ha ka jingwan rung jong u Mynder ha kane ka jylla.
Katkum ka shithi ba la phah da ka synjuk ki Rangbah shnong la ong ba ka synjuk kam lah pdiang ia kane ka jing kynnoh jong u Bah RV Lyng doh ia baroh ki Dorbar shnong bad lada lada don kum kita u la dei ban jer kyrteng ban pynshisha ia kane ka jing kynnoh.
“Kane ka jingkyn noh jong u Bah RV Lyngdoh hapoh ka iing Dorbar Thaw ain,tip ka mih na ka jings hong shit ne u shem shisha ba ki Dorbar shnong ki don bynta ha ka ba ai jaka ia u mynder”, la ong ka synjuk ki Rangbah shnong.
Ka jingkynnoh jong u Bah RV Lyngdoh kum u MLA ka Mylliem Konstiwensi bad kum u Khasi ka pynpaw ba u ialam bakla ia ka sorkar bad ia ba bun balang.
Ka Synjuk jong ki Rangbah shnong ki dawa ba u dei ban pynshisha ka jingkynnoh ban panmap halor kane ka jingpynjah burom jong u ia ki Rangbah shnong bad ki Dorbar shnong.
” Ngi khmih lynti ba kum kine ki jingkren pynthoh bria ia baroh ki Dorbar shnong khlem ka jingpynshisha kim dei ban mih na phi kum u ba shim ka jingkitkhlieh iaka jaidbynriew baroh kawei”, la ong ka Synjuk ki Rangbah shnong ha ka kyrwoh ba la pyllait da u President TR Shanpru bad u General Secretary RL Blah.