Pan map ka HYC Sohiong, halor ka jingkren ia U Phadar Sngi

Na ka Liang Jong ka HYC- Sohiong Circle ngi sngew ban pynpaw ba ngi dap Da ka jingsngew sih kaba khraw eh halor ka Jing kynnoh ba lah mih paw lyngba ki Social Media bad ki lad pathai khubor ba na ka liang ka jong ngi ha kine ki sngi kiba lahdep ngi ong lane pyndonkam da ka kyntien Rangbah ne Bah ia I Phadar Sngi ( Bam kwai Ha dwar u Blei). Ka HYC Sohiong Circle ka kwah ban pyntip bad pynshai ha baroh u paidbah ka Bri U Hynniewtrep ba ngi burom Shi katdei eh ia u Phadar Sngi bad kum ka Seng ngi niewkor ia ki kam radbah kiba une u Riewkhraw u lah leh bad ba u la noh la u synniang u bynhei ia ka Ri bad ka Jaidbynriew . I Phadar Sngi ha ngi ka Seng, um Shym la dei tang u Lyngdoh SohBlei ka Balang Catholic hynrei u Atiar bakhraw ka Jaidbynriew Hynniewtrep.

Ha ka jingmut Jong ngi Lada ngi Ong lane pyndonkam da ka Ktien ” Father” ngi sngew ioh ka ktah ia ka Niam ne Balang bad ioh Lehse ka long kumba ngi kren shaphang ka Niam, kumta ha ka jingkren jong ngi ngi lah sngewdei ban pyndonkam Da ka Ktien Rangbah / Bah bad ngim Shym la poi pyrkhat pat ba kata Kan pynsngew sih ia kiba bun khamtam ia ki Para Ri ki jong ngi .

Kumta, lyngba une u kyrwoh, ngi sngew ban pan map bad kyrpad na baroh ki Para Ri khamtam eh na ki dkhot ka Balang Catholic bad kiba ha ing ha sem I Phadar Sngi ba phin sngewbha ban nym ia thew ia ka jingbakla Jong ngi kum ki briew. Ngi dei tang ki briew kiba Duna bad ngim lah ban len ba ngi kum bakla. Ngim Shym la don Kano kano ka jingthmu sniew ban pynjah burom ia u Phadar Sngi bad ia ka Balang kaba u don lane ngim Shym la don kano kano ka jingthmu ban nym burom ia I.

Khublei shibun

Samla Purningstar Shabong

President

HYC- Sohiong Circle