Pan jingshai ki Pastor na ka Assembly rBa pynkiew tulop u MS ialade bad ia U AO

Shillong, 11 Nailar:
Ka jingialang jong ki pastor rangbah ka KJP myntaka sngi ki la rai ban pan jingshai na ka Assembly halor ka jingkynnohia ka jingshu pynkiew tulop hi ialade jong u Dr DD Tariang uba bat kumu Medical Superintendent (MS) bad u Bah KT Rynjah uba long kum uAdministrative officer (AO) ka Dr H Gordon Robert Hospital, Jaiaw.
Haba iakren bad u Pastor NS Phawa mynta ka sngi Hatmajai, u la iathuh ba ka jingialang hynne ka sngi ka la shu shim ia ka rai ban pan jingshai shwa na ka KJP Assembly halor kane ka bynta.
“Ngi la iashong jingialang mynta ka sngi bad ngi la iashim ia ka rai ban pan jingshai shwa na ka Assembly halor kane ka kam”, la ong u Bah Pastor Phawa.
Ha kajuh ka por, u la iathuh ba ka jingialang kan long biang lashaika sngi ban iapyrkhat kham bniah ia kane ka kam bad la sngewthuh balashai ka jingialang kan sa lah ban shim ia ka lynti shakhmat ha kabaiadei bad kane ka kam. Lah ban kdew ba ar ngut ki samla kynthup u Bah KitkuparNongphlangbad u Bah Rickey Cooper Pathaw ki la kynnoh ba u Medical Superintendent u Dr DD Tariang bad u Administrative Officer u Bah KT Rynjah ka Dr H Gor don Robert Hospital, ki la shu pynkiew tulop hi khlemka jingtip ka KJPA.
Kine ar ngut ki la pynpaw ia kane haba kren sha ki lad pathai khubor mynta ka sngi ha Shillong bad ki la dawa ba ka bor ba dei peit ka deiban weng noh ia ki namar ba ki la treikam khlem ka jinglong shai.
“U Medical superintendent bad u Administrative officer ki lapynkiew hi ia ka tulop jongki khlem ka jingmynjur ka KhasiJaintiaPresbyterian Assembly (KJPA), kaba dei ka nongpeit ia kanekahospital, la ong u Bah  Pathaw bad u Bah Nongphlang.
Kine ki ar ngut ki la ong ba kane ka jingleh ka dei ka jingpynkheinia ka  Memorandum of Association (MOA) bad ki kyndonpyniaid jong kaDr H Gordon Roberts Presbyterian Hospital Association.
Ia u Dr David D Tariang la thung kum u Medical Superintendent ha ka 21 tarik Rymphang, 2006 katba ia u KT Rynjah la thung kumuAdministrative Officer ha ka 30 tarik Iaiong, 2009. Ki la ong ba uBahRynjah u dei u enjiniar sorkar ba la shong thait na ka kam sorkar.
Ha ka shithi jong ka 29 tarik, Lber 2011 u SeniorAdministrativeSecretary ka KPJA  u Rev Dr JF Jyrwa, la pynkiew ia kajingai ia uMedical Superintendent na ka T.14, 000 sha ka T. 22, 000katba ia uAdministrative Officerla la siew T. 20, 000  naduh u Lber2011.
Ki la kynnoh ba ha 4 tarik Iaiong, 2013 pat, u Dr DD Tariang ulapynmih ia ka hukum na ka ophis da kaba pynkiew ia uMedicalSuperintendent ka Dr HGR Hospital sha ka T. 65, 000 naduh ka 1tarikIaiong, 2013. “Baroh u Dr Tariang marwei u la ioh tulop haduh T. 1.70 lak”, la ongu Bah Pathaw bad u Bah Nong phlang katba u BahRynjah, u la pynkiew naka T. 20, 000 sha kaT.50, 000 ha ka shi bnai”,la ong kine ar ngut.
Kine ki ar ngut ki la kynnoh ruh ba u Dr Tariang u la shim ramhikhlem ka jingmynjur ka KJPA. Ki la ong ba ki la pan jingtip da kaRTIna kane ka bor hospital hynrei kim shym la ai satia da kaba ai dawbakane ka hospital kam hap ha ka RTI namar ba ka dei ka hospital shimet.U Bah Nongphlang bad u Bah Pathaw ki la kynnoh ruh ba kawei ka doktorka la shah pynkut noh ia ka kam tang namar ba ka pan shuti ba ar met.”Ka bor jong kane ka hospital ka la pynsangeh noh ia ka Dr Rachael Rapsang, ka doktor bniat kaba la thung da ka kontrak tang namar ba kapan shuti khyndai bnai ba ar met”, la ong kine ar ngut bad bynrap, kabor hospital ka la ai daw ba kam don kyndon ban ai shuti ia kiba treikontrak.
Ka Dr Rapsang ka ioh jingsiew T. 22, 500 shi bnai bad la pynkut ia kajingtrei jongka ha u Jylliew, ki la ong kine ki ar ngut bad hajakajongka, la thung da u dkhar u Dr M Khata Khalid Nawas, MDS (Oral & Maxillofacial) ha ka jingsiew kaba T. 80, 000 shi bnai.