Nongstoiñ:Hadien ba u kyrtong jong ka HSPDP na Nongstoiñ, u bah D. Jyndiang u la pynkhein ia ka ain elekshon kata da kaba u la leit ban iashim bynta ha ka jingialang plie maw nongrim jong ka Hostel jong ka Umyiap District ka ba la long hapoh ka shnong Tiehsaw, ha ka 7 tarik mynta u bnai, na ka liang jong u Returning Ophisar jong ka 32- Nongstoin AC, u P.D. Sangma mynta ka sngi, u la phah syndon da ka jingpan jingshai sha utei u kyrtong bad kumjuh sha u MP ka Shillong, u ma Vincent H Pala.
U Ma Vincent H Pala MP bad U bah D. Jyndiang kyrtong ka HSPDP ka Nongstoin ha ka jingialang plie ia u maw nongrim ha Tiehsaw:Rupang
Haba iakren bad ki nongthoh khubor u P.D. Sangma RO jong ka 32-Nongstoin AC u la iathuh ba hadien ba ki Flying Squad, kiba la phah khnang da ka tnad Elekshon ki la pyntip halor katei ka jingpynkhein ain jong kitei ki ar ngut ba kynthup ia u Bah Dios bad u Ma Pala; na ka liang jong ka tnad Election kam shym la shong kli kti ha kaba u District Election Ophisar jong ka West Khasi Hills u la shimkhia katkum ka jingbthah jong ka Election Commssion jong ka Ri India.
“Lyngba katei ka Show cause notis la bthah ruh ia baroh ar ngut kitei ki nong pynkhein ain ba kin ai jubab hapoh 5 sngi naduh ba ki ioh ia ka show cause notice” ong u P.D. Sangma, da kaba u la iathuh ruh ba na ka liang jong u Bah Dios Jyndiang u la ioh ban shimti ia katei ka shithi mynta hi ka sngi.
Shuh shuh u RO u la iathuh ruh ba hadien ba kila ioh ban lum thup ia ki jubab, ha kaba iadei bad katei ka jingpynkhein ain na ka liang jong ki kin sa phah noh mar mar sha ka Election Commission jong ka ri India na ka bynta ban shim iaka rai.
“Ngam shym la pynkhein iaka Model Code of Conduct jong ka Election Commission jong ka ri India hynrei nga leit ha katei ka sngi kum u riew paitbah ym kum u MLA” ong u bah Jyndiang haba iakren bad ki nongthoh khubor.
Shuh shuh u bah D.Jyndiang u la ong ruh “Ki paitbah ki dei ban tip ba ka Model Code of Conduct kam treikam tang ha ka por election, hynrei ka treikam baroh shisnem” ha kaba katei ka jingkren jong u bah Jyndiang ka la pynlyngngoh jur ia ki paitbah ha kaba kumno ka MCC ka treikam baroh shisnem, ym tang ha ka por election.
Haba kylli bad na u RO ha kaba iadei bad ka jingong jong u bah Jyndiang, ba um shym la pynkhein ia ki kyndon ilekshon bad ba um shym la don bynta kum ki kongsan, hynrei u leit kum u riew paitbah, na ka liang jong u RO u P.D. Sangma u la iathuh ba la u wan kum u nong peitkai ruh ka ain ka hap ban tohkit, namar u dei u kyrtong MLA.
U Ma Vincent Pala bad U Bah Diostarness Jyndiang, ki la leit sha ka jingplie ia ka hostel jong ka Umyiap District ha Tiehsaw hynnin ka sngi.
U Ma Vincent Pala, u pynshai ba katei ka jingkhot na ka bynta jongu, ka dei kaba la pynbeit la ar bnai mynshwa bad u ong ruh ba um shym la kren politiks eiei hynrei u shu leit ban ai ia ki kyntien kitbok kitrwiang jongu bad ula ong ruh ba katei ka prokram, ka dei kaba la pynbeit da ka Balang.
Haba iakren bad ki nongthoh khubor u P.D. Sangma RO jong ka 32-Nongstoin AC u la iathuh ba hadien ba ki Flying Squad, kiba la phah khnang da ka tnad Elekshon ki la pyntip halor katei ka jingpynkhein ain jong kitei ki ar ngut ba kynthup ia u Bah Dios bad u Ma Pala; na ka liang jong ka tnad Election kam shym la shong kli kti ha kaba u District Election Ophisar jong ka West Khasi Hills u la shimkhia katkum ka jingbthah jong ka Election Commssion jong ka Ri India.
“Lyngba katei ka Show cause notis la bthah ruh ia baroh ar ngut kitei ki nong pynkhein ain ba kin ai jubab hapoh 5 sngi naduh ba ki ioh ia ka show cause notice” ong u P.D. Sangma, da kaba u la iathuh ruh ba na ka liang jong u Bah Dios Jyndiang u la ioh ban shimti ia katei ka shithi mynta hi ka sngi.
Shuh shuh u RO u la iathuh ruh ba hadien ba kila ioh ban lum thup ia ki jubab, ha kaba iadei bad katei ka jingpynkhein ain na ka liang jong ki kin sa phah noh mar mar sha ka Election Commission jong ka ri India na ka bynta ban shim iaka rai.
“Ngam shym la pynkhein iaka Model Code of Conduct jong ka Election Commission jong ka ri India hynrei nga leit ha katei ka sngi kum u riew paitbah ym kum u MLA” ong u bah Jyndiang haba iakren bad ki nongthoh khubor.
Shuh shuh u bah D.Jyndiang u la ong ruh “Ki paitbah ki dei ban tip ba ka Model Code of Conduct kam treikam tang ha ka por election, hynrei ka treikam baroh shisnem” ha kaba katei ka jingkren jong u bah Jyndiang ka la pynlyngngoh jur ia ki paitbah ha kaba kumno ka MCC ka treikam baroh shisnem, ym tang ha ka por election.
Haba kylli bad na u RO ha kaba iadei bad ka jingong jong u bah Jyndiang, ba um shym la pynkhein ia ki kyndon ilekshon bad ba um shym la don bynta kum ki kongsan, hynrei u leit kum u riew paitbah, na ka liang jong u RO u P.D. Sangma u la iathuh ba la u wan kum u nong peitkai ruh ka ain ka hap ban tohkit, namar u dei u kyrtong MLA.
U Ma Vincent Pala bad U Bah Diostarness Jyndiang, ki la leit sha ka jingplie ia ka hostel jong ka Umyiap District ha Tiehsaw hynnin ka sngi.
U Ma Vincent Pala, u pynshai ba katei ka jingkhot na ka bynta jongu, ka dei kaba la pynbeit la ar bnai mynshwa bad u ong ruh ba um shym la kren politiks eiei hynrei u shu leit ban ai ia ki kyntien kitbok kitrwiang jongu bad ula ong ruh ba katei ka prokram, ka dei kaba la pynbeit da ka Balang.