Pan jingshai ki 2 seng, ba pynduh RS ia ki nongtrei KHADC

Shillong,7 Nailar:
Hadien ba ka Jaintia Hills Autonomous District Council JHADC ka la pyn mih ia ka hukum ba yn ym shah shuh ia ki nong trei ka JHADC ban long ki Rangbah shnong, ki nong ialam jong ka Jaintia Students’ Union (JSU) bad ka Jaintia Youth Federation (JYF) mynta ka sngi ki la ia kynduh ia u CEM bad ia u Secretary (Executive) jong ka JHADC ban pan ia ka jingpynshai halor katei ka hukum ba ka EC ka la pynmih.
Haba kitei ki Seng ki la pan iaka jingpynshai, na ka liang u CEM u la ong ba ki don shibun ki kyn rum kynram ia ki nongtrei jongka Council lada ki bat ia ka kam Rangbah Shnong, namar ia U Rangbah Shnong la ai Sanad da ka Council bad ha kajuh ka por u trei hapoh ka Council. U la ong ruh ba la don teng ki kam ha kaba kum u Rangbah Shnong ha ka juh ka por kum u nongtrei jong ka Council um nang shuh ban jied la un kohnguh iaka Council ne un kohnguh iaka kam shnong kum u Rangbah Shnong.
Wat hadien ba la ioh ia katei ka jingpynshai na u CEM ki nongialam jong kitei ki sengbhalang ki la pynpaw ba kim sngewhun ia katei ka jubab ha kaba ka la ong ba ka JHADC ka dei ban panjingmut na ki paidbah shuwa ba kan pynmih ia kaba kum katei ka hukum namar ia ki Rangbah shnong jong kino kino ki shnong la jied da ka mon jong ki paidbah bad katkum ka jing I bit jong ki hano ban bynshet ia kam Rangbah shnong .
Shuh shuh halor katei ka hukum jong ka JHADC ka Seng Samla Shnong Umkiang(SSSU) ruh ka la pynpaw ia ka jingkyrshan ia katei ka jingpyrshah jong ka Jaintia People Movement Forum (JPMF) ia katei ka hukum.