Pan jingshai ka MTDC ia ka Crowborough

Shillong, 6 Nailur:
U Chairman jong ka Meghalaya Tourism Development Corporation (MTDC) u Bah David Nongrum , u iathuh ba ka MTDC, ka la pan jubab hapoh 15tarik jong une u bnai, na U bah Lessly Shylla, u nongshimwai ia ka Crowborough Hotel.
Ka jingbuh ia u Mawnongrim ban tei ia kane ka Crowborough Hotel,ka dei ha u snem 1980. Kane ka jingtei ka la iaid lyngba ruh ia ki jingia khun mukotduma bad ki ar tylli ki company kiba la shim contrak ban tei ia ka.
Ha dien ba ka sorkar ka la dep ban ia pynbeit bad ki company shabar jong ka iing bishar da kaba siew ia ka bailut ksan jong ki kum sha ka M/S Asthra Construction Pvt Ltd kaba la kot haduh T.2.65 klur bad ia ka MSS Builders ka la siew haduh T.1.95 klur. Ha dien kane ka jingsiew ka sorkar kala ioh biang ia kane ka jaka n aka kti jong ki Company.
Ha kane ka jingaiwai kaba mynta, ka MTDC ka la ai sha u Bah Lessly Shylla ha dien ba u la tyrwa ban siew sha ka MTDC T.98.997 klur ha ki 33 slem nalor ba ynshan ban pyndep ia kane ka hotel. (SP News)