Pan jingshai ka High Court, ia ka bhah pule ha NEIGHRIMS

Shillong, 11 Nailar: 
Ka Kashari Megha laya High Court Division Bench ka Meghalaya myn ta ka sngi ka la bthah ia u Secretary tnad ka Health and Family Welfare ka sorkar India, u  Principal Secretary  ka  tnad Education bad u Director ka NEGR HIMS  ban ai jingshai, ha shwa ban wan ka jingbishar ban long biang ha ka  17 tarik Nailar.
Ka High Court ka la pynlong mynta ka sngi, ia ka jingbishar halor ka jingkyrpad ba la ujor ia ka jingbym ioh bhah pule doktor MBBSka khun jong ka Sagarika Daw ka kaba trei ha NEIGR HIMS na ka bhah Central Pool ka MBBS ba la ai ia ka Meghalaya.
Hadien ba la shah hukum ha ka High Court, u director ka NEIGR HIMS u Dr AG Ahan gar mynta ka sngi u la hap ban wan mih ha ka Kashari.
Ia u Dr Ahangar la synran lang ki heh ka NEIG RHIMS kynthup u Medical Superintendent u Dr AC Phukan  ha kane ka jingwan hajir ha ka Kashari.
Ka Division Bench ka la pynmih ia ka hukum ban kem ia u director ka NEIGRHIMS hadien ba u khlem wan mih ha ka jingbishar ba long ha ka 6 tarik Nailar. Haba bishar ia ka jingujor ba la thep da ka nonghikai ka NEIGRIHMS, u Chief Justice Uma Nath Singh bad u Justice T.N.K. Singh  ki la ong ba ka hukum ban kem ia u Director la pynmih bad ka kuna kaba T.20,000 da kaba bthah ia u SP ka East Khasi Hills, u Police Commissioner ka Guwahati, bad u Police Commissioner ka  Delhi ban pynthikna ba u director u dei ban mih ha ka Kashari ha ka 11 tarik Nailar.
Shwa ia kane, katei ka nongtrei ka NEIGH RIMS ka la ujor ha ka Kashari halor ka jingbym ioh bhah pule doktor MBBS ki khun jong kiba trei ha NEIGRIHMS na ka bhah ba la ai ka sorkar pdeng ia ka jylla. Na ka 22 tylli ki jaka pule MBBS ba la ai ia ka Meghalaya na ka Central Pool, ar tylli la bhah ia ki khun ki kti jong kiba trei ha NEIGRIHMS. Lada ki khun ki kti jong kiba trei ha NEIGRIHMS kim don, ia kane ka bhah yn leit pat sha ka jylla.