Pan jingshai ka AAP halor u Uranium

Shillong, 22 Nailar:
Ka Aam Aadmi Party (AAP) ka la rai ban pan jingsha na ka kompeni UCIL halor ka jingthmu ban tih uranium ha kane ka jylla kaba la buh ia ki paidbah hapdeng ka jingkulmar jingmut thlim.
Ha ka jingpynlait kyrwoh mynta ka sngi, u general secretary ka party u Bah Wonder Lapang ula ong ba ka la thoh sha ka National Green Tribunal (NGT) ba kan ai jingshai halor kane ka kam khnang ban wanrah ia ka jingshai ia ki paidbah.
U la ong ba ka party ka sngew khuslai bha namar ba ki paidbah ki don hapdeng ka jingkulmar namar ba ki don ar kynhun, kiba pyrshah bad kiba kyrshan ban tih uranium ha kane ka jylla.
U la ong ba NGT ka la dep khang ban tih dewiong, mawshun, thangrnga daka jingthmu ban iada bad ban pynneh ia ka mariang hynrei kaba sngew lyngngoh ka long ba ka sngap jar jarha kaba iadei bad ka jingthmu ban tih uranium. Ka jingkhang ka NGT ban tih dewiong, mawshun, shna iing harud wah Umkhrah, bad ka jingbym don ka Mining Policy ka sorkar jylla ka la ktah shi katdei eh ia ki briew ba im ha ka kam tih dewiong bad kiwei ki kam.
“Ka don ka jingbymhun kaba khraw hapdeng ki paidbah ia kaei ba ka NGT ka leh khamtam ia kito kiba im ha ka kam tih dewiong”, la ong u Bah Lapang ha ka kyrwroh.