Shillong: U myntri ba dei peit ia ka tnad ka koit ka khiah, u bah Alexander L Hek, u iathuh ba na ka liang ka sorkar kan pan ia ka jingpynshai (show Cause notice) na ki nongpyniaid jong ka Ganesh Das Hospital, halor ka jingjia myn hynnin ka miet, kaba la poi haduh u pud ba kawei ka longkmie kaba dei na Mawlai Mawtawar ka la duh ei ia la i khun.
Na ka liang u Myntri tnad ka koit ka khiah, u la pynshai ba ka jingbym treh jong ka Ganesh Das Hospital ban pdiang ia kane ka longkmie na Mawlai Mawtawar, ka dei namar ba ha Ganesh Das hospital ka duna ki jingthiah ha Isolation ward bad namar ba kane ka longkmie ka dei kaba wan na Containment area kumta kim lah ban pdiang, namar ba ka lah ban buh ia ka jingma ia kiwei pat ki ba wan phah sumar ha kane ka hospital.
Kum ban shu pynkynmaw myn hynnin ka sngi ka 28 tarik u Naitung 2020 ha ka por kum ba 7:30 janmiet, iwei i khyllung i la khlad noh ha kpoh jong ka kmie ha Ganesh Das Hospital.
Na ka liang kiba ha ing jong kane ka long kmie kaba dei na ka Shnong Mawlai Mawtawar, ki la kynnoh ba ka jingkhlad jong ine I khyllung ka dei na ka jingpynslem jong kane ka Hospital ban ai jingsumar.
La iathuh ba naduh mynstep kane ka Hospital ka la kyntait ban ai jingsumar ia kane ka longkmie, namar ba ka wan na ka Shnong kaba hap ha ka Containment area,hynrei ynda janmiet da ka jingwan tuklar jong ki HYC, kane ka Hospital ka la pdiang ban sumar ia kane ka longkmie, hynrei ha ka por 7:30 i khun jong kane ka longkmie i la khlad noh.
Na ka liang u bah Hek, u la iathuh ruh ba mynta ka sngi ki la dep ban pynlong ia ka jingialang bad ki nongialam Shnong ka shnong Mawtawar lem bad ki nongpyniaid ka Ganesh Das Hospital ban iakren sngewthuh halor kane ka jingjia.
U Dr War u Director ka tnad ka koit ka khiah, u la iathuh ba ka don ka jingduna ha ki katto katne ki bynta na ka liang ka Hospital, hynrei ban lait na kum kine ki jingjia ka sorkar ka la ai jingbit ban pynbun shuh shuh ia ki jingthiah ha isolation ward, ha kane ka hospital na ka bynta ki long kmie kiba wan na ki jaka ki ba hap ha containment area ban wan ban kha khyllung ha kane ka hospital.
Na ka liang u symbud myntri rangbah ka jylla u bah Prestone Tynsong, u la maham ia baroh ki hospital kiba don ha Ka jylla ba kim dei ban kyntait ban ai jingsumar ia kino ki no ki nongpang khamtam ia kiba wan na ki jaka ba hap ha Containment area.
Ym dei tang ba duna khyndiat khynsoit hnrei namar ba dei jong ka Sorkar bad ba bun ki nongpang dei kiba duk bad nongkyndong ta ka daw shah shim kabu bad shah khniot bein kai ki ba shah sumar Bapli.Katta ruh ngim don jinglehrain,jin lada ym don lei sa ki Seng Sngewlem kiban Tuklar tip shaei shuh kan poi ka Ri Jongngi??????.
Ka sorkar ka dei ban siew sha ka longkmie na mawtawar namar ka jingkhlad I khyllung ha kpoh ka kmie ka dei ka jingpynslem ban Sunar iaka,bad namar baka sorkar kam shym la pynbiang iaki jingdonkam ka hospital,kadei ka hok jong ka longkmie ban ioh iaka jingsiew babiang.