Pan jingmut ka sorkar na ki ADC ban thaw ia ka Water Policy

Shillong, 24 Nailar:
Ka sorkar jylla lyngba ka tnad Water Resources ka la thoh sha ki Autonomous District Councils (ADCs) ban ai jingmut halor ka jingshna pynbha ia ka Water Policy.
Ka thymmei khubor sorkar ka la iathuh ba ha ka jingialang bad u Chief Secretary Bah PBO War jri, la mih jingmut ba dei ban pan jingmut ruh na ki ADC halor ka jingshna ia kane ka policy.
“Ki jingai jingmut jong ki district councils ka long kaba donkam bha halor kane ka policy.
Nalor ka jingia phylliew jingmut bad ki ADC, yn pan jingmut ruh na kiwei ki tnad.
La iathuh ruh ba la sam biang ia kane ka polisi ba la pynkhreh biang sha baroh ki tnad sorkar.
“La ioh bun ki jingai jingmut ban shna ia kane ka policy”, la ong u heh sorkar.
Kham myn shwa, ka sorkar ka la iateh bad ka German International Cooperation (GIZ) ban shna ia ka Water Policy.