Pan jingkyrshan U Robert Nigil Rashir ha ka Final “All Meghalaya No.1 Dancing Star”

Nongstoin, 6 Risaw:
U samla Robert Nigil Rashir 17 snem kyrta bad u ba dei napoh ka shnong Mawiong Pyndengrei Nongstoin West Khasi Hills District u la poi shaduh ka Final jong All Meghalaya No.1 Dancing Star ba la pynlong da ka Meghalaya People United Front (MPUF).
Ha kane ka jing iakob kaba la long hapoh Donbosco Hall Laitum khrah Shillong u tei u samla napoh ka thain West Khasi Hills ula poi shaduh kane ka thong lyngba kiba bun tylli ki wat ha ka ne ka jingiakhun.
Kumta kum ka dong bad ka thain West Khasi Hills kala dei ban kyrshan radbah ia utei u samla uba tang marwei ban mih khmat iaka thain shapoh ka nongbah Shillong, kumta utei u samla u la pynpaw ruh ba u donkam ka jingkyrshan na ki paidbah ka thain lyngba ki vote khnang ba un lah ban kynjoh sha ka thong jong ka jingjop ha ka ne ka jingiakhun
U samla Robert Nigil u la kyrpad ia ki paidbah jong ka District ne ka jylla baroh ka wei bad khamtam na ka Sor Nongstoin ba kin sngewbha ban ia kyrshan lem ia u ha ka ne ka jingiakob khnang ba un lah ban poi sha ka thong jong ka jingjop bad u don ruh ka jingkyrmen ka ba skhem ba un ioh ia ka nam lah duh jong ka ne ka jingiakob lyngba ka jingai jingkyrshan jong ki paidbah daka ba ia vote ia u bad da ka ba thied ia ki voting coupon ha u code No. MDS 22
Ia kane ka Final jingiakob shad yn pynlong ha ka 25 tarik u bnai October 2014 ha U Soso Tham Auditorium Hall (State Central Library) Shillong