Pan jingkyrshan ka KSU na ki paidbah Riwar halor ka ILP

Shillong, 4 Risaw:
Ka KSU South Central ka la pan jingkyrshan na ki paidbah ka thain Riwar mihngi halor ka jingdawa ban pyntreikam ia ka Inner Line Permit (ILP) ha kane ka jylla ba la dawa ki 10 sengbhalang.
Ha ka kyrwoh u general secretary ka KSU South Central East Circle u Bah Victor More Khongtir u la ong ba ka jingiakhih jong ki sengbhalang dei na ka jinglong kuman u Mukul Sangma ban kyntait ia ka ILP.
“Ka jinglong synshar donbor u Mukul ka la pynlong ia ki sengbhalang ban shim da ki lad jingiakhih ba tyngeh”, la ong u samla Victor.
Ha kajuh ka por, u la kyntu ia u MLA ka thain u Bah Prestone Tynsong ban iakren pynsngewthuh ia u Mukul halor ka ILP khnang ba yn lah ban pyntreikam noh ia ka.
Ha kawei ka liang, ka seng ka la pynkha unit shuh shuh ha shnong Mawjakem ha kine ki sngi dang shen. Ha kane ka unit la jied ruh ia ki nongkitkam ba kynthup Pynbhalang Mylliemngap kum u president, vice president Justmanwell Jyrwa, general secretary Elphibius Marbaniang, Asst genl Phrangly Buhphang, education secy Ricky Marbaniang, asst secy education Westerwell Lyngba, orgn secy Donboklang Rynjah, publ secy Lumlang Marbaniang, sport secy Jistper Lyngba, Asst sports secy Shaidorlang Khongwir lem bad ki dkhot.